Ағымдағы жылы облыс бойынша 193,4 мың гектарға ауыл шаруашылығы дақылдары орналастырылды. Негізгі дақыл күрiштің көлемі 89,0 мың гектар. Оның ішінде, дәндi дақылдар 99,9 мың гектар, майлы дақылдар 4,5 мың гектар, мал азықтық дақылдар 69,2 мың гектар, картоп, көкөнiс, бақша 19,8 мың гектар, қант қызылшасы 5 гектар.
Ауыл шаруашылығы дақылдарының егіс көлемдері өткен жылмен салыстырғанда 4,8 мың гектарға ұлғайып отыр.
Егісті әртараптандыру бағытында 2,9 мың га ауыл шаруашылығы дақылдары егілді. Су үнемдеу технологияларын қолдана отырып, 872,5 гектар жерге ауыл шаруашылығы дақылдары орналастырылды.
Бүгінде күзгі егін жинау және дала жұмыстары үшін қажетті жанар-жағар май қоры жеткілікті. Сондай-ақ, ауыл шаруашылығы техникалары күріш егісін оңтайлы мерзімде жинап алуға толық дайын.
Аймақта егін жинау науқанын 10 қазанда аяқтау жоспарлануда.