Статистикаға сәйкес 2023 жылдың 1 мамырына облыстан 11,9 млдр. долларды құрайтын 19,1 мың тонна ауыл шаруашылығы өнімдері (күріш, балық өнімдері, күріш қалдығы, қамыс, күнбағыс тұқымы, көкөніс) экспортталды.
Өнімдер әлемнің 18 мемлекетіне экспортталды.
Барлық экспортталған өнімнің 84,4 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, Әзірбайжан, Өзбекстан, Тәжікстан, Украина, Түркменстан, Грузия және Моңғолия мемлекеттеріне экспортталып отыр.
Есепті кезеңге 16 153,2 тонна күріш өнімі экспортталып, былтырғы жылдың сәйкесті кезеңімен салыстырғанда 68,9 пайызды құрады.
Сондай-ақ, облыстан Ресей, Польша, Литва, Германия, Франция, Грузия, Әзірбайжан және Австрия мемлекеттеріне 768,9 тонна балық, Германия, Дания, Нидерланды, Польша және Франция мемлекеттеріне 1 491,3 тонна қамыс, Өзбекстан мемлекетіне 190,0 тонна күріш қалдығы және Қытай мемлекетіне 198,0 тонна күнбағыс тұқымы, 325,7 тонна көкөніс экспортталды.