Статистикаға сәйкес 2022 жылдың 1 желтоқсанына облыстан 58,0 теңгені құрайтын 105,2 мың тонна ауыл шаруашылығы өнімдері (күріш, балық өнімдері, күріш қалдығы, қамыс, қарбыз, қауын, көкөніс, қызанақ, күнбағыс тұқымы) экспортталып, өткен жылдың сәйкесті кезеңімен салыстырғанда 160,2 пайызды құрап отыр.
Өнімдер әлемнің 23 мемлекетіне экспортталды.
Барлық экспортталған өнімнің 89,3 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, АҚШ, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак мемлекеттеріне экспортталып отыр.
Есепті кезеңге 93,9 мың тонна күріш өнімі (46,1 млн. долл.) экспортталып, былтырғы жылдың сәйкесті кезеңімен салыстырғанда 153,1 пайызға (30,1 млн.долл.) артты.
Сондай-ақ, облыстан Ресей, Әзербайжан, Польша, Грузия, Венгрия, Литва, Германия, Чехия, Нидерланды, Франция, Китай және Австрия мемлекеттеріне 3 295,3 тонна (9 961,8 мың. долл.) балық, Германия, Дания және Нидерланды мемлекеттеріне 2 472,1 тонна (1 264,9 мың долл.) қамыс, Ресей, Өзбекстан және Тәжікстанға 1 426,8 тонна (62,3 мың доллар) күріш қалдығы, және Ресей мемлекетіне 280,0 тонна (68,3 мың доллар) қызанақ, 2 183,0 тонна (186,5 мың доллар) қарбыз, 325,0 тонна (46,0 мың доллар) қауын жөнелтілді.
Сонымен қатар, Қытай мемлекетіне 1 244,8 тонна (255,2 мың доллар) көкөніс және 20,1 тонна (11,1 мың. долл) күнбағыс тұқымы экспортталды.