«Кристалл Менеджмент» акционерлік қоғамына жер учаскесіне уақытша өтеулі жер пайдалану (жалдау) құқығын табыстау туралы

«Қазақстан Республикасының Жер кодексі» Қазақстан Республикасы Кодексінің 16-бабының 1-тармағының 2) тармақшасына, 32-бабына сәйкес, облыстық жер комиссиясының 2024 жылғы 1 наурыздағы № 47 хаттамалық шешімі және «Қызылорда облысының ауыл шаруашылығы және жер қатынастары басқармасы» коммуналдық мемлекеттік мекемесінің 2024 жылғы 3 мамырдағы № KZ16VBG01406445 бұйрығымен бекітілген жер учаскесін қалыптастыру жөніндегі жерге орналастыру жобасының негізінде Қызылорда облысының әкімдігі ҚАУЛЫ ЕТЕДІ:

1. Қызылорда облысы Жалағаш ауданының босалқы жер санатынан жалпы көлемі 316,42 гектар жер учаскесі өнеркәсiп, көлiк, байланыс жері, ғарыш қызметі, қорғаныс, ұлттық қауіпсіздік, ядролық қауіпсіздік аймағы мұқтажына арналған жер және ауыл шаруашылығына арналмаған өзге де жер санатына ауыстырылсын.
2. «Кристалл Менеджмент» акционерлік қоғамына осы қаулының
   1-қосымшасына сәйкес экспликация бойынша жалпы көлемі 316,42 гектар жер учаскесіне уақытша өтеулі жер пайдалану (жалдау) құқығы табысталсын.
3. Ауыл шаруашылығын жүргізуге байланысты емес мақсаттарға пайдалану үшін ауыл шаруашылығы алқаптарын алып қоюдан туындаған ауыл шаруашылығы өндірісіндегі шығасы мөлшерінің актісі осы қаулының
   2-қосымшасына сәйкес бекітілсін.
4. «Кристалл Менеджмент» акционерлік қоғамы:

1) осы қаулы қабылданған күнінен бастап он жұмыс күнінен кеш емес мерзімде, уақытша өтеулі жер пайдалану (жалдау) шартын «Қызылорда облысының ауыл шаруашылығы және жер қатынастары басқармасы» коммуналдық мемлекеттік мекемесімен жасассын;

2) ауыл шаруашылығын жүргізуге байланысты емес мақсаттарға
пайдалану үшін ауыл шаруашылығы алқаптарын алып қоюдан туындаған ауыл шаруашылығы өндірісіндегі тиісті шығасылары KZ24070105KSN0000000
есеп айырысу шотына (Қазақстан Республикасының Қаржы министрлігі Қазынашылық комитетiнің Қызылорда облысы бойынша қазынашылық департаментi, KKMFKZ2A, БСН: Жалағаш ауданы 940640000472 код 201901 «ауыл шаруашылығы өндірісінің шығасыларын өтеу») осы қаулы қабылданған кезден бастап алты ай мерзімде өтесін;

3) бүлінген жерлерден топырақтың құнарлы қабатын алу мен одан әрі пайдалану үшін сақтауды, уақытша өтеулі жер пайдалану (жалдау) мерзімі өткен соң жер учаскесін қайта жаңғырту арқылы бастапқы қалпына келтіруді және қолданыстағы заңнамаға сәйкес оны қайтаруды қамтамасыз етсін;

4) осы қаулы қабылданған кезден бастап бір жыл ішінде бүлінген жерлерді қалпына келтіру жобасын әзірлесін.

5. Жер учаскелерін жалдау төлемақысының жыл сайынғы мөлшері жалға беру кезінде олар үшін төлемақының базалық ставкасының 120 пайызы мөлшерінде белгіленсін.
6. «Қызылорда облысының ауыл шаруашылығы және жер қатынастары басқармасы» коммуналдық мемлекеттік мекемесі және Жалағаш ауданының әкімдігі заңнамада белгіленген тәртіппен осы қаулыдан туындайтын шараларды қабылдасын.
7. Осы қаулының орындалуын бақылау Қызылорда облысы әкімінің орынбасары Б.Д. Жахановқа жүктелсін.
8. Осы қаулы қол қойылған күнінен бастап күшіне енеді.

Дата публикации

22 августа 2024