Қазақстан Республикасының 2015 жылғы 18 қарашадағы № 410-V «Сыбайлас жемқорлыққа қарсы іс-қимыл туралы» Заңына сәйкес,
2023 жылдың І тоқсанында Қызылорда облысының ауыл шаруашылығы және қатынастары басқармасы сыбайлас жемқорлыққа қарсы іс-қимылды күшейту мақсатында біршама жұмыстар атқарып келеді.
Басқарманың сенім телефондары белгіленіп, басқарма басшылығының азаматтар мен заңды тұлғаларды жеке мәселемен қабылдаудың кестесі бекітілді. Қабылдау кестесі мен сенім телефондары жергілікті баспасөз газеттерінде жарияланды.
Басқарманың мемлекеттік қызметшілеріне мемлекеттік қызметті көрсету барысында және қызмет барысында қолданыстағы заңнамаларды сақтамай бұзушылықтарға жол берген жағдайда тәртіптік, әкімшілік немесе қылмыстық жауаптылық көзделгендігі ескертіліп, құқық бұзушылықтар мен теріс қылықтарға жол бермеу тапсырылды.
Агроөнеркәсіптік кешен саласын субсидиялау аясында көрсетілетін мемлекеттік қызметтер жаңа «Субсидиялаудың мемлекеттік ақпараттық жүйесі» іске қосылуына байланысты жыл басынан бері басқарма басшылығы және тиісті мамандары барлық аудан орталықтары мен ауыл шаруашылығы құрылымдарын аралап түсіндірме жұмыстарын жүргізді.
Сонымен қатар, басқарма басшысы азаматтармен жеке қабылдау жүргізіп, жеке қабылдауға келген азаматтардың сұрақтары бойынша заңға сәйкес тиісті түсіндірме жұмыстары жүргізілді.
Бұдан бөлек, 2023 жылдың 10 наурызы күні басқарма басшысының орынбасары Қ. Сәрсенбаевтың төрағалығымен орындаушылық тәртіп және қолданыстағы заңнамалардың сақталуы туралы мәжіліс өтті. Мәжіліс барысында сыбайлас жемқорлық сипатындағы теріс қылықтардың алдын алу мақсатында және Әдеп нормаларының сақталуы туралы әрбір қызметкермен персоналды түрде профилактикалық әңгімелесу жұмыстары жүргізілді.
Жыл басынан бері басқармаға мемлекеттік көрсетілетін қызметтердің көрсетілу сапасына қатысты арыз-шағымдар/наразылықтар келіп түскен жоқ.
Бүгінгі күні басқармада сыбайлас жемқорлық фактілері тіркелмеген және алдағы уақытта да басқармамен сыбайлас жемқорлыққа қарсы іс-қимыл бойынша тиісті жұмыстар тұрақты түрде жүргізілетін болады.