Арал аудандық сайлау комиссиясының хабарламасы

Арал ауданында Аудандық Мәдениет үйінде «Қазақстан Республикасының аудандық маңызы бар қалалары, ауылдары, кенттері, ауылдық округтері әкімдерін сайлау: сайлау процесінің құқықтық негіздері және сайлау комиссияларының жұмысын ұйымдастыру туралы» семинары кеңес өтті.

Семинар жұмысына облыстық сайлау комиссиясы төрағасының орынбасары Б.Н.Накипов, облыстық сайлау комиссиясының мүшесі Қ.Наурызбаев, аудандық сайлау комиссиясы мүшелері және қалада орналасқан 41-55 учаскелік  сайлау комиссияларының  төрағалары мен хатшылары қатысты.

Семинарды аудандық сайлау комиссиясының төрағасы Н.Зағатов кіріспе сөз жасап ашты.

Семинар барысында облыстық сайлау комиссиясы төрағасының орынбасары Б.Накипов «Аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлауды ұйымдастыру мен өткізудің негізгі аспектілері», облыстық сайлау комиссиясының мүшесі Қ.Наурызбаев «Арал қаласы әкімін сайлау барысында сайлау комиссияларының қызметін ақпараттық және құжаттамалық қамтамасыз ету туралы» баяндамалар жасады.

Соңынан семинарға қатысқан комиссия төрағалары  мен хатшылары сайлауды ұйымдастыру және өткізу жөнінде тест тапсырды.

Аудандық сайлау комиссиясы