Арал аудандық жер комиссиясының кезекті отырысымен 2023 жылы 30 қаңтар айында шаруа немесе фермер қожалығын, ауылшаруашылығы өндірісін жүргізу үшін уақытша өтеулі жер пайдалану (жалдау) құқығын беру жөніндегі конкурс өткізілуі тиіс болатын.

Хабарландыру!

Арал аудандық жер комиссиясының кезекті отырысымен 2023 жылы 30 қаңтар айында шаруа немесе фермер қожалығын, ауылшаруашылығы өндірісін жүргізу үшін уақытша өтеулі жер пайдалану (жалдау) құқығын беру жөніндегі конкурс өткізілуі тиіс болатын.

Қазақстан Республикасының Жер Кодексінің 43 - бабы, 2 тармағында комиссия отырысы, егер оған оның құрамының жалпы санының кемінде үштен екісі қатысса, құқыққа сыйымды деп есептеледі - делінген.

Сол сияқты, Арал аудандық мәслихатының «Аудандық жер комиссиясының құрамы және комиссия туралы ережені бекіту туралы» Арал аудандық мәслихатының 2018 жылғы 21 желтоқсандағы № 209 шешіміне өзгеріс енгізу туралы  23.11.2022 жылғы № 313 шешімімен бекітілген «Арал аудандық жер комиссиясы туралы ереженің» 3 тармағыныңның 15 тармақшасында комиссия отырысы, егер оған оның құрамының жалпы санының кемінде үштен екісі қатысса, заңды деп есептеледі. Бұл ретте қоғамдық кеңестер, агроөнеркәсіптік кешен саласындағы мемлекеттік емес ұйымдар және өзге де салалық мемлекеттік емес ұйымдар, Қазақстан Республикасының Ұлттық кәсіпкерлер палатасы, сондай-ақ жергілікті өзін-өзі басқару органдары өкілдерінің қатысу саны қатысып отырған жер комиссиясы мүшелерінің жалпы санының кемінде елу пайызын құруы тиіс. Комиссия мүшелері оның отырыстарына ауысу құқығынсыз қатысады - делінген.

Аталған заң талаптарына сәйкес Арал аудандық жер комиссиясының мүшелері түгел болмауына байланысты комиссия отырысы ағымдағы жылдың 6 ақпан айына шегерілгендігін хабарлайды.

                                      «Арал аудандық жер қатынастары бөлімі»

                                                 коммуналдық мемлекеттік мекемесі