Арал қаласының №382 сайлау учаскесінің учаскелік сайлау комиссиясын құру және оның сандық құрамын айқындау туралы

«Қазақстан Республикасындағы сайлау туралы» Қазақстан Республикасы Конституциялық заңының 10-бабының 3-тармағына, 17- бабының 1-тармағына сәйкес және Арал ауданы әкімінің 2022 жылғы 29 желтоқсандағы №1 «Арал қаласының №382 сайлау учаскесінің  учаскелік сайлау комиссиясын құру және оның сандық құрамын айқындау туралы» шешімін негізге алып, Арал аудандық сайлау комиссиясы ҚАУЛЫ ЕТЕДІ:

1. Арал қаласының №382 сайлау учаскесінің учаскелік сайлау комиссиясы құрылсын.
2. Сайлаушылар саны бір мыңға дейінгі Арал қаласының №382 сайлау учаскесінің учаскелік сайлау комиссиясының сандық құрамы бес мүшеден тұратын болып айқындалсын.
3. Осы қаулы №382 сайлау учаскесінің учаскелік сайлау комиссиясының құрамын қалыптастыру үшін Арал аудандық мәслихатына жолдансын.
4. Осы қаулы Арал аудандық сайлау комиссиясының интернет-парақшасына орналастырылсын.
5. Осы қаулы қол қойылған күнінен бастап қолданысқа енгізіледі.

Арал аудандық сайлау комиссиясы