Арал ауданының аумақтық референдум комиссиясының
ҚАУЛЫСЫ
2024 жылғы 6 қазанға тағайындалған республикалық референдумда дауыс беру кез келген уақытта аяқталуы мүмкін дауыс беру учаскесі туралы
«Республикалық референдум туралы» Қазақстан Республикасы Конституциялық заңының 22-, 29-баптарына, «Қазақстан Республикасындағы сайлау туралы» Қазақстан Республикасы Конституциялық заңының 38-бабының 3-тармағына сәйкес учаскелік референдум комиссияларының ұсынымдары негізінде Арал ауданының аумақтық референдум комиссиясы ҚАУЛЫ ЕТЕДІ:
- Егер тізімге енгізілген азаматтардың бәрі дауыс берсе, дауыс беру кез келген уақытта аяқталуы мүмкін учаске ретінде Арал қаласы, Сырым батыр, №1 мекенжайы бойынша Қызылорда облысының денсаулық сақтау басқармасының «Арал аудандық көп бейінді орталық ауруханасы» шаруашылық жүргізу құқығындағы коммуналдық мемлекеттік кәсіпорнында орналасқан №382 дауыс беру учаскесі белгіленсін.
- Бұл учаскеде дауыстарды санау дауыс беру аяқталғаннан кейін басталсын.
- Осы қаулы Қызылорда облыстық референдум комиссиясына, Арал қаласының №382 дауыс беру учаскесінің учаскелік референдум комиссиясына жіберілсін және Арал ауданы әкімдігінің интернет-ресурсының «Сайлау» бөліміне орналастырылсын.
- Қаулы қол қойылған күнінен бастап қолданысқа енгізіледі.
Арал ауданының аумақтық
сайлау комиссиясының төрағасы Н.Н. Зағатов
Арал ауданының аумақтық
сайлау комиссиясының хатшысы Л.К. Сатекеева
Арал қаласы
2024 жылғы 19 қыркүйек
№ 84