Меню
Жыл басынан бері жұмыс іздеуші есебінде - 5169 адам хабарласты. Оның 4615-і тұрақты және уақытша жұмысқа орналасты.
Кәсіптік оқумен қамтамасыз ету
Қысқа мерзімді кәсіптік оқуға 66 адам жолданды (қайық моторисі мамандығына 3 ай мерзімге). Оның 59-ы оқуын аяқтағаннан кейін тұрақты жұмыспен қамтылды.
Кәсіпкерлікті дамыту бойынша
«Бастау бизнес» жобасына электрондық еңбек биржасы арқылы 1523 адам онлайн форматта оқыған.
Жаңа бизнес идеяларды іске асыруға арналған мемлекеттік гранттарды көлемі 1 225 200 теңгеден 400 адамға грант берілді.
Субсидияланатын жұмыс орындары
Әлеуметтік жұмыс орындарына 51 адам жолданды.
Әлеуметтік жұмысты аяқтаған 15 адам тұрақты жұмысқа орналастырылып, қалған 36 адам шарттарына сәйкес, келесі жылға өтпелі жұмысшылар.
Жастар тәжірибесіне 285 адам жолданды. Тәжірибені аяқтаған 31 адамның 26-ы тұрақты жұмыспен қамтылып, қалған 254 адам шарттары бойынша келесі жылға өтпелі.
Қоғамдық жұмысқа 878 адам жолданды. Қоғамдық жұмысты 878-і аяқтап, 231-і тұрақты жұмысқа орналастырылды.
Алғашқы жұмыс орнына 15 адам жолданып, шарт бойынша келесі жылға өтпелі.
Ұрпақтар келісімшарты жобасына 5 адам жолданды. Жұмысты аяқтаған 2 адам тұрақты жұмысқа орналасты, қалған 3 адам шарттарына сәйкес, келесі жылға өтпелі жұмысшылар.
Күміс жас жобасы бойынша 9 адам жолданды. Жұмысты аяқтаған 2 адам тұрақты жұмысқа орналасты (100,0%). Қалған 7 адам шарттарына сәйкес, келесі жылға өтпелі жұмысшылар.
Бүгінгі күнге жұмыссыздар саны (қалдық) базалық дерекқор бойынша 498 адам, яғни желтоқсан айының ресми жұмыссыздық деңгейі 1,6 пайызды құрап отыр.
Жалпы жұмыссыздық деңгейі статистикалық мәліметке сәйкес аудан бойынша 5,0 пайыз құрайды.
Қазақстан Республикасының Әлеуметтік кодексіне сәйкес, жұмыс беруші еңбек жағдайлары мен төлемақысын көрсете отырып, олар пайда болған күннен бастап бес жұмыс күні ішінде бос жұмыс орындары туралы мәліметтерді enbek.kz электрондық еңбек биржасына орналастыруға міндетті.
Бос жұмыс орындары туралы мәліметтерді enbek.kz электрондық еңбек биржасынан көруге болады.
Тұрғылықты жері бойынша Мансап орталығына немесе enbek.kz электрондық еңбек биржасы мен электронды үкімет порталы (egov) арқылы жұмыссыз ретінде сәтті тіркелгеннен кейін жұмысынан айырылған жағдайда төленетін әлеуметтік төлемге өтінім жолдауға болады.
Әлеуметтік төлем алдыңғы жұмыс берушідегі жұмыс өтіліне және Мемлекеттік әлеуметтік сақтандыру қорына әлеуметтік аударымдардың болуына байланысты 1 айдан 6 айға дейін тағайындалуы мүмкін (егер алдыңғы жұмыс берушіден әлеуметтік аударымдар болған жағдайда).
Мемлекеттік атаулы әлеуметтік көмек алуға үміткер адам тұрғылықты мекен-жайы бойынша Мансап орталығына, ал тұрғылықты жері бойынша Мансап орталығы болмаған жағдайда кент, ауылдық округ әкіміне egov электронды үкімет порталы арқылы, ұялы байланыстың абоненттік құрылғысы және екінші деңгейлі банк (Халық банк) қосымшасы арқылы атаулы әлеуметтік көмек тағайындау үшін өтініш білдіруге болады. Жүгіну барысында отбасының табыстарын алдын-ала есептеу, отбасының жұмысқа қабілетті мүшелерін жұмыспен қамтудың белсенді шараларына тарту және өзге де әлеуметтік бейімдеу шараларына қатыстыру мәселелері бойынша кеңес беру және өтініш қабылдау жұмыстары жүргізілетін болады.