Меню
Мемлекеттің тұрақты дамуының негізі – бәсекеге қабілетті жастар буыны, ал бұл тікелей жастардың білім мен білік сапасына, олардың ұмтылысы мен ынтасына байланысты. Сондықтан да мемлекеттік саясаттың негізгі бағытының бірі - жастар секторы. Елімізде жастар секторына айрықша назар аударылады.
Бүгінгі жастар үшін атқарылып жатқан игі істер мен сарабдал саясаттың негізгі мақсаты – болашақтың кемел болуы үшін. Ел ертеңі жастар болғандықтан, олардың қазіргі хал-ахуалы, тәлім-тәрбиесі, алып жатқан білімі – бәрімізге маңызды болуы тиіс. Елдің айнасы – жастар. Егемендікті сақтайтын да – болашақ ұрпақ.
Арал ауданы бойынша статистикалық мәліметке сәйкес тұрғындар саны 78 829-ды құраса, оның 25 743-і 14-35 жас аралығындағы жастар. Бұл жалпы халықтың 31,2 пайызын құрайды.
Сонымен қатар, ауданымызда орта арнаулы оқу орындарында 696 студент жастар білім алуда. 14 пен 18 жас аралығындағы оқушылар саны 6 752.