ТАЛДАМАЛЫҚ АНЫҚТАМА «Арал қаласы әкімінің аппараты» коммуналдық мемлекеттік мекемесінің қызметіне жүргізілгенсыбайлас жемқорлық тәуекелдеріне ішкі талдау нәтижелері бойынша

ТАЛДАМАЛЫҚ АНЫҚТАМА

«Арал қаласы әкімінің аппараты» коммуналдық мемлекеттік мекемесінің қызметіне жүргізілгенсыбайлас жемқорлық тәуекелдеріне

ішкі талдау нәтижелері бойынша

Арал қаласы 29.02.2024 жыл

КІРІСПЕ БӨЛІМ:

Сыбайлас жемқорлық тәуекелдеріне ішкі талдау объектісі болып «Арал қаласы әкімінің аппараты» коммуналдық мемлекеттік мекемесінің қызметі табылады.
Сыбайлас жемқорлық тәуекелдеріне ішкі талдау Қазақстан Республикасы Мемлекеттік қызмет істері және сыбайлас жемқорлыққа қарсы күрес іс-қимыл агенттігі Төрағасының 2016 жылғы 19 қазандағы № 12 бұйрығы және Қазақстан Республикасы Сыбайлас жемқорлыққа қарсы іс-қимыл агенттігі Төрағасының 2023 жылғы 16 қаңтардағы № 21 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес жүргізілді.
«Сыбайлас жемқорлық тәуекелдеріне ішкі талдауды Арал қаласы әкімінің 2023 жылғы 19ақпандағы № 19 ө/нқ өкімімен құрылған келесі құрамдағы жұмыс тобы жүргізді:

Рсалиева - Арал қаласы әкімінің аппаратының бөлімше

Мырзагүл Рсалықызыбасшысы, топ жетекшісі;

Рысқұлов - Арал қаласы әкімінің аппаратының бөлімше

Олжас Әмірәлиұлы басшысы, топ мүшесі;

Оразалиева - Арал қаласы әкімінің аппаратының бас

Аққалам Сапарғалиқызымаманы, топ мүшесі;

Дүйшембиев - Арал қаласы әкімінің аппаратының бас

Асылхан Олжабайұлы маманы, топ мүшесі;

Әбдіханов - Арал қаласы әкімінің аппаратының жетекші

Алмат Зейнуллаұлы маманы, топ мүшесі;

Қайырова - Арал қаласы әкімінің аппаратының

Бибігүл Жолшарақызы статистигі, топ мүшесі.

Сыбайлас жемқорлық тәуекелдеріне ішкі талдау 19.02-29.02.2024 жыл аралығында жүргізілді.
Сыбайлас жемқорлық тәуекелдерін ішкі талдаумен 2023 жыл толығымен қамтылды.
6. «Арал қаласы әкімінің аппараты» коммуналдық мемлекеттік мекемесінің бөлімше басшысы М. Рсалиеваға топ жетекшісі ретінде сыбайлас жемқорлық тәуекелдеріне ішкі талдау жүргізу және жұмыс нәтижелері үшін басшылық, үйлестіру және жауапкершілік жүктелді.

СИПАТТАМА БӨЛІМ:

Талдау келесі бағыттар бойынша жүргізілді:

1) «Арал қаласы әкімінің аппараты» коммуналдық мемлекеттік мекемесінiң кадр жұмыстарына талдау объектісінің қызметіне, оның ұйымдастыру-басқару қызметін реттейтін құқықтық актілер мен ішкі құжаттарға сыбайлас жемқорлық тәуекелдерін анықтау;

2) «Арал қаласы әкімінің аппараты» коммуналдық мемлекеттік мекемесінiң кадр жұмыстары бойынша ұйымдастырушылық-басқарушылық қызметіндегі сыбайлас жемқорлық тәуекелдерін анықтау.

II. Талданатын объект туралы мәліметтер:

Арал ауданы әкімдігінің 2016 жылғы 14 қыркүйегіндегі № 174-қ қаулысымен бекітілген Ережеге сәйкес «Арал қаласы әкiмiнiң аппараты» коммуналдық мемлекеттiк мекемесi Арал қаласы әкiмiнiң қызметін ақпараттық-талдамалық, ұйымдық-құқықтық және материалдық-техникалық жағынан қамтамасыз ету саласындағы басшылықты жүзеге асыратын Қазақстан Республикасының мемлекеттік органы болып табылады.

«Арал қаласы әкiмiнiң аппараты» коммуналдық мемлекеттiк мекемесi өз қызметiн Қазақстан Республикасының Конституциясына және заңдарына, Қазақстан Республикасының Президентi мен Үкiметiнiң актiлерiне, өзге де нормативтiк құқықтық актiлерге, сондай-ақ, осы Ережеге сәйкес жүзеге асырады.

Мекен-жайы: Арал қаласы, Астана көшесі № 35 ғимарат.

III. «Арал қаласы әкімінің аппараты» коммуналдық мемлекеттік мекемесі қызметіне, оны ұйымдастыру-басқару қызметін реттейтін НҚА мен ішкі құжаттарға сыбайлас жемқорлық тәуекелдерін анықтау.

Сыбайлас жемқорлық тәуекелдеріне ішкі талдау жұмыс тобы кодекстерді, заңдарды, нормативтік құқықтық актілерді, бөлімге қатысты өз қызметінде басшылыққа алатын құқықтық актілерді зерделеді.

Аппарат қызметінде келесідей НҚА пайдаланылады:

- Қазақстан Республикасының Еңбек кодексі;

- Қазақстан Республикасының Әкімшілік рәсімдік-процестік кодексі;

- Қазақстан Республикасының «Құқықтық актілер туралы» Заңы;

-Қазақстан Республикасының «Қазақстан Республикасының мемлекеттік қызметі туралы» Заңы;

- Қазақстан Республикасының «Қазақстан Республикасының жергілікті мемлекеттік басқару және өзін-өзі басқару туралы»Заңы;

- Қазақстан Республикасының «Мемлекеттік көрсетілетін қызметтер туралы» Заңы;

НҚА талдау жүргізу нәтижесінде мынадай қызметтердің процестерін реттеу бойынша құқықтық олқылықтарды анықтады:

3.1. «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 30 маусымдағы Заңының 9 – бабында экологиялық қасірет салдарынан зардап шеккен азаматтарды тіркеу – Үкімет белгелеген тәртіппен тұратын жері және экологиялық қасірет аймағындағы бұрынғы тұрған жері бойынша жүзеге асырылады. Дегенмен, бүгінгі күні азаматтарға экологиялық анықтамаларды беру процедурасын регламенттейтін норма жоқ. Сондықтан, сыбайлас жемқорлық тәуекелдерін болдырмау мақсатында, қызмет көрсетушімен қызмет алушының арасындағы тікелей қарым-қатынасты болдырмау және заңға сәйкестендіру үшін, анықтама беруді мемлекеттік көрсетілетін қызметтер тізіліміне енгізіп, стандартын бекіте отырып, электронды түрде көрсету мүмкіндігін қарастыру қажет.

Осы олқылыққа қатысты 03.08.2023 жылы № 04-4-15/385 санды хатпен Қазақстан Республикасының Мемлекеттік қызмет істері агенттігінің Қызылорда облысы бойынша департаментіне ұсыным хат жолданған. Алайда, аталған департаменттің берген жауабы мәселенің шешімі болып табылмай отыр.

ҰСЫНЫМ:

Жоғарыда көрсетілген анықтамада қызмет көрсетушімен қызмет алушының арасындағы тікелей қарым-қатынасты болдырмау және заңға сәйкестендіру үшін, экологиялық анықтама беруді мемлекеттік көрсетілетін қызметтер тізіліміне енгізіп, стандартын бекіте отырып, электронды түрде көрсету мүмкіндігін қарастыру қажет. Ұсыным Қазақстан Республикасы Мемлекеттік қызмет істері агенттігінің Қызылорда облысы бойынша департаментіне жолданады.

3.2. Арал қаласы әкімінің аппараты ғимаратына орналасқан4 мемлекеттік мекемеде 127 қызметкер жұмыс жасайды. Жұмыс уақытысынан кешігіп келу және артық жұмыс істеу фактілерін болдырмау мақсатында қызметкерлердің жұмысқа келіп- кету уақытын бақылау Арал қаласы әкімі аппаратының бөлімше басшысына жүктелген. Дегенмен, аталған қызметкердің басқа да функционалдық міндеттері болуына байланысты, қызметкерлердің жұмысқа келіп – кету уақытын бақылау мүмкіндігі болмай жатады.

ҰСЫНЫМ:

2024 жылдың аяғына дейін адами фактордың алдын алу мақсатында қызметкерлердің жұмысқа келіп-кету уақытын есепке алатын электронды басқару жүйесі(СКУД) орнату үшін қаржы бөлу мәселесін қарастыра отырып, заң аясында тиісті жұмыстарды жүргізу қажет деп есептейміз.

3.3. Жеке және заңды тұлғалардың өтініштерімен жұмыс жасау барысында, әсіресе «Е-өтініш» жүйесімен жұмыс жасау барысында қызметкерлер тарапынан қате-кемшіліктерге жол берілген жағдайлар кездеседі.

Қазіргі таңда, Қазақстан Республикасының Әкімшілік Рәсімдік-процестік Кодексімен жолданымдармен жұмыс жасау барысында жіберілген кейбір заң бұзушылықтарға айыппұлдар қарастырылған.

ҰСЫНЫМ:

Қазақстан Республикасының Әкімшілік Рәсімдік-процестік Кодексімен жолданымдармен жұмыс жасау барысында жіберілген кейбір қате-кемшіліктердің салдарынан айыппұл төлеуге апарып соғатын заң бұзушылықтарды болдырмау мақсатында, өтініштермен жұмыс жасау бойынша қызметкерлерге құқықтық оқу өткізу қажет етіледі.

ІІІ. Персоналды басқару, оның ішінде сыбайлас жемқорлық тәуекелдеріне шалдыққан лауазымдарды айқындау.

«Арал қаласы әкімінің аппараты» коммуналдық мемлекеттік мекемесінің құрылымын, штат санын Қазақстан Республикасының заңнамасында белгіленген тәртіппен аудан әкімі бекітеді.

Бөлімнің штаттық құрылымы:

2023 жыл (Арал қаласы әкімінің аппараты)

«Арал қаласы әкімінің аппараты» коммуналдық мемлекеттік мекемесіне 2023 жылы аудан әкімдігінің «Жергілікті мемлекеттік басқарудың кейбір мәселелері туралы» Арал ауданы әкімдігінің 2021 жылғы 28 желтоқсандағы № 190-қ қаулысына өзгерістер енгізу туралы 31.03.2023 жылғы № 48-қ қаулысымен штаттық құрылымдары бекітіліп берілді. Осыған орай, бөлімнің штат құрылымында 10 мемлекеттік қызметкер (қала әкімі - 1, әкім орынбасары – 2, бөлімше басшысы -2, бас маман – 4, жетекші маман – 1), 43 штаттан тыс қызметкерлер(әдіскер – 10, статистик – 3, хатшы -1, автокөлік жүргізуші -1, шаруашылық меңгерушісі – 2, қарауыл – 8, еден сыпырушы – 6, электрик -1, сантехник- 2, жұмысшы – 2, от жағушы -7) беріліп, барлығы 53 қызметкер жұмыс жасайды.

«Жергілікті мемлекеттік басқарудың кейбір мәселелері туралы»Арал ауданы әкімдігінің 2021 жылғы 28 желтоқсандағы № 190-қ қаулысына өзгерістер енгізу туралы 07.09.2023 жылғы № 107-қ қаулысымен 1(бас маман) штаты беріліп штаттық құрылымдары бекітіліп берілді.Осыған орай, бөлімнің штат құрылымында 11 мемлекеттік қызметкер (қала әкімі - 1, әкім орынбасары – 1, бөлімше басшысы -3, бас маман – 5, жетекші маман – 1), 43 штаттан тыс қызметкерлер(әдіскер – 10, статистик – 3, хатшы -1, автокөлік жүргізуші -1, шаруашылық меңгерушісі – 2, қарауыл – 8, еден сыпырушы – 6, электрик -1, сантехник- 2, жұмысшы – 2, от жағушы -7) беріліп, барлығы 54 қызметкер жұмыс жасайды.

«Жергілікті мемлекеттік басқарудың кейбір мәселелері туралы»Арал ауданы әкімдігінің 2021 жылғы 28 желтоқсандағы № 190-қ қаулысына өзгерістер енгізу туралы 28.12.2023 жылғы № 146-қ қаулысымен штаттық құрылымдары бекітіліп берілді. Осыған орай, бөлімнің штат құрылымында 12 мемлекеттік қызметкер (қала әкімі - 1, әкім орынбасары – 2, бөлімше басшысы -2, бас маман – 6, жетекші маман – 1), 43 штаттан тыс қызметкерлер(әдіскер – 11, статистик – 3, хатшы -1, автокөлік жүргізуші -1, шаруашылық меңгерушісі – 1, қарауыл – 8, еден сыпырушы – 6, электрик -1, сантехник- 2, жұмысшы – 2, от жағушы -7) беріліп, барлығы 55 қызметкер жұмыс жасайды.

Арал ауданы әкімдігінің 2021 жылғы 28 желтоқсандағы № 190-қ қаулысына өзгерістер енгізу туралы 31.03.2023 жылғы № 48-қ қаулысымен штаттық құрылымына өзгерістер енуіне байланысты ғимарат теңгерімі Арал аудандық кәсіпкерлік, өнеркәсіп және туризм бөліміне беріліп, тазалықшы штатындағы қызметкер Ерімбетова Аманкул Жаңабаевна, күзетшілер Жиемуратов Сейіл Ескараевич, Акбутин Аян Дастанович, Сарсенов Мирамбек Аманкелдиевич, Караев Мурат Орынбасарович аталған бөлімге ауысуына өз келісіміне сәйкес қала әкімінің өкімімен 03.04.2023 жылғы № 32, 33, 34, 35, 36 өкімдермен жұмыстан босатылған.

Аудан әкімімен лауазымға тағайындалатын, лауазымнан босатылатын

1 (бір) қала әкімі.

Қала әкімімен қызметке қабылданатын, қызметтен босатылатын

2 (екі) қала әкімінің орынбасары,

2 (екі) бөлімше басшысы,

6 (алты) бас маман,

1 (бір) жетекші маман,

43 (қырық үш) штаттан тыс қызметкерлер,

Аппарат қызметкерлері қала әкіміне, қала әкімі орынбасарларына, аудан әкіміне және оның орынбасарларына, аппарат басшысына бағынады.

Арал қаласының әкімі Талекенов Ербол өз өтінішіне сәйкес 2023 жылы 3 қазаннан бастап қызметін тоқтатты.

Арал қаласының әкімі лауазымына 2023 жылдың 12 желтоқсанды Ұзақов Батыржан Жансерік ұлы сайланды.

2023 жылы қала әкімінің аппаратына жұмысқа қабылданған қызметкерлер:

№	Аты-жөні	қызметі	Мерзімі
1	Құдайбергенов Болатхан	Әдіскер	14.03.2023 ж. № 26-ө/жқ
2	Өмірзақ Бауыржан	Статистик	17.07.2023 ж.№ 87-ө/жқ
3	Қайырова Бибігул	Статистик	01.09.2023ж. № 108-ө/жқ
4	Акназарова Дидар	Бас маман	07.09.2023ж. № 115-ө/жқ
5	Әбдіханов Алмат	Жетекші маман	07.09.2023ж. № 116-ө/жқ
6	Алдамжаров Еркін	Уақытша статистик	05.10.2023ж. № 122-ө/жқ
7	Алтайұлы Азамат	Бөлімше басшысы	13.10.2023ж. № 124-ө/жқ
8	Нұрхожаев Қайыржан	Бас маман	27.10.2023ж. № 137-ө/жқ
9	Қуандықов Дәулет	Әдіскер	9.11.2023ж. № 140-ө/жқ

2023 жылы қала әкімінің аппаратына жұмыстан босаған қызметкерлер:

№	Аты-жөні	қызметі	Мерзімі
1	Әбілбаев Қуаныш	Әдіскер	03.03.2023ж. № 25-ө/жқ
2	Ерімбетова Аманкул	Тазалықшы	03.04.2023ж. № 33-ө/жқ
3	Сарсенов Мирамбек	Күзетші	03.04.2023ж. № 32-ө/жқ
4	Жиемуратов Сейіл	Күзетші	03.04.2023ж. № 34-ө/жқ
5	Акбутин Аян	Күзетші	03.04.2023ж. № 35-ө/жқ
6	Караев Мурат	От жағушы	03.04.2023ж. № 36-ө/жқ
7	Ашықбаева Самал	Статистик	19.05.2023ж. № 59-ө/жқ
8	Сыдықов Асылжан	Статистик	21.08.2023ж. № 105-ө/жқ
9	Сейітов Әлімжан	Әкім орынбасары	01.09.2023ж. № 109-ө/жқ
10	Балпаш Елдос	Жетекші маман	07.09.2023ж. № 114-ө/жқ
11	Әнесов Балтабай	Бөлімше басшысы	09.10.2023ж. № 123-ө/жқ
12	Қошқарбаев Айдос	Әдіскер	8.11.2023ж. № 139-ө/жқ

Бөлімдегі тәртіптік шаралар қолданылған қызметкерлер:

2023 жылы

№	Аты-жөні	Қызметі	жаза	Тәртіптік шарасының болуы туралы мәліметтер
1	Әнесов Балтабай	Бөлімше басшысы	Сөгіс	05.01.2023ж, № 1-ө/жқ
2	Дүйсенов Еркебұлан	Әдіскер	ескерту	16.01.2023ж, № 3-ө/жқ
3	Тлеулесов Болат	Әдіскер	ескерту	26.01.2023ж, № 8-ө/жқ
4	Оразалиева Аққалам	Жетекші маман	ескерту	10.02.2023ж, № 13-ө/жқ
5	Рсалиева Мырзагүл	Бөлімше басшысы	ескерту	11.04.2023ж, № 38-ө/жқ
6	Сыдықов Асылжан	статистик	ескерту	28.04.2023ж, № 52-ө/жқ
7	Сейітов Әлімжан	Әкім орынбасары	ескерту	17.07.2023ж. № 84-ө/жқ
8	Әнесов Мұхтар	Бас маман	ескерту	11.09.2023ж. № 117-ө/жқ
9	Оразалиева Аққалам	Бас маман	ескерту	2.11.2023ж. № 138-ө/жқ

«Арал қаласы әкімінің аппараты» коммуналдық мемлекеттік мекемесінiң кадр жұмыстары бойынша ұйымдастырушылық-басқарушылық қызметіндегі сыбайлас жемқорлық тәуекелдерін анықтау бойынша:

Мемлекеттік қызметшілердің жалпы санының 100%-ы жоғары білімді. Мемлекеттік мекемеде 14 әйел азаматша қызмет атқаруда. ал басшылық лауазымда қызмет атқаратын әйелдердің саны - 1.

Мемлекеттік қызметшілердің арасында 29 жасқа дейінгі жастардың саны - 1 бірлік, ол жалпы штат санының 1 % құрайды.

Бұдан бөлек 2023 жылы 6 мемлекеттік қызметші біліктіліктерін арттырған.

Сонымен бірге, қоғамда оң пікір қалыптастыру мақсатында мемлекеттік қызметшілердің әлеуметтік желілеріндегі «Арал қаласы» аккаунттарына жүргізілген мониторинг нәтижесінде тұрақты түрде жұмыс барысы туралы хабарламалар, жаңалықтар, іс шаралар жарияланған.

Жалпы, Арал қаласы әкімінің аппараты ғимаратына орналасқан4 мемлекеттік мекемеде 127 қызметкер жұмыс жасайды. Жұмыс уақытысынан кешігіп келу және артық жұмыс істеу фактілерін болдырмау мақсатында қызметкерлердің жұмысқа келіп- кету уақытын бақылау Арал қаласы әкімі аппаратының бөлімше басшысына жүктелген. Дегенмен, аталған қызметкердің басқа да функционалдық міндеттері болуына байланысты, қызметкерлердің жұмысқа келіп – кету уақытын бақылау мүмкіндігі болмай жатады.

Сонымен қатар, мемлекеттік қызметшілердің қызметтен тыс уақытта жалпы қабылданған моральдік-әдептілік нормаларын ұстануға, қоғамға жат мінез, оның ішінде қоғамдық орындарды масаң күйде болу жағдайларына жол бермеу және бас мемлекеттік санитарлық дәрігердің қаулыларына сәйкес тұрғын үйде немесе адамдар көп жиналатын өзге де орындарда банкеттер, үйлену тойлары, мерейтойлар, ас беру және басқа да іс-шараларды өткізуге тыйым салынатындығы туралы бірнеше мәрте жиналыстар өткізілген.

Тәртіптік жазалардың берілуі (қолданылуы) заңдылығына жүргізілген талдау барысында мемлекеттік қызметі заңнамаларының (заң, қағида) талаптары қатаң сақталғандығы анықталды.

Тәртіптік жазаны мерзімінен бұрын алып тастау жөнінде ұсыным болмаған.

Мерзімі өтпеген және мерзімінен бұрын алынбаған тәртіптік жазалары болған жағдайда мемлекеттік қызметшілерді көтермелеу және ақшалай сыйақы беру фактілері орын алмаған.

Сондай-ақ, есепті кезеңде жұмыс нәтижелеріне қарамастан, талдау объектісінің лауазымды адамдарының қалауы бойынша қызметкерлерді көтермелеу дерегі болмаған.

2023 жыл бойынша жүргізілген талдау барысында мемлекеттік қызмет туралы заңнаманың бұзылуын, жеке немесе заңды тұлғалардың құқықтарын бұзуды немесе шектеуді жасаған немесе жол берген тұлғаларға тәртіптік сипаттағы шараларды қолданбау және т.б. орын алған жоқ.

Қала әкімі аппаратының (кадр қызметі) бойынша негізгі жұмыстары «Е-қызмет» ықпалдастырылған ақпараттық жүйесі арқылы жүргізіледі. Мемлекеттік қызметтің жаңа моделінің бағыттарының бірі мемлекеттік қызмет персоналын басқару процесін жетілдіру және ол мемлекеттік органдарда кадрлық қызмет іс – әрекетінде «электрондық – үкімет» жүйесінің мүмкіндіктерін кеңінен қолдануды көздейді.

Осыған байланысты, мемлекеттік органдарда «Е-қызмет» жүйесі енгізілген. Бұл жүйе онлайн режимінде мемлекеттік қызметшілерге қатысты кадрлық ақпараттарды алуға, кадр қызметтерінің жұмысын жетілдіруге мүмкіндік береді.

Әкімдік аппараттары «Е-қызмет» жүйесіне қосылған.

Өкім-шешімдердің рәсімделуі кезінде «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаттарын бекіту туралы» Қазақстан Республикасы Үкіметінің 2018 жылғы 31 қазандағы № 703 қаулысының талаптары толық сақталып, фирмалық баспа-бланкілеріне жүргізілген.

ІV.Мүдделер қақтығысын реттеу.

Аппаратта мүдделер қақтығысы орын алған жоқ.

Мемлекеттік қызметтер көрсету.

2023 жылы.

Барлық мемлекеттік көрсетілген қызмет – 1054.

Жер учаскесінің нысаналы мақсатын өзгертуге шешім беру – 60(электронды түрде). Оның ішінде берілгені – 42, қайтарып алынғаны – 4, бас тарқаны – 14.
«Республикалық маңызы бар қала, астана, облыстық және аудандық маңызы бар қалалар шегінде жер учаскесіне құқықтар беру туралы өтініш» - 275(қараша айына дейін қолма қол және қараша айынан бастап электронды түрде).Оның ішінде берілгені – 226, қайтарып алынғаны – 45, бас тартқаны – 4.
«Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу» - 62(электронды түрде). Оның ішінде берілгені – 36, қайтарып алынғаны – 21, бас тартқаны – 5.
«Жер учаскесін алу үшін кезекке қою» (электронды түрде) - 650.

Рұқсат беру функцияларын іске асыру.

Аппаратта рұқсат беру функциялары жоқ.

VII. Бақылау-тексеру функцияларын іске асыру.

Аппаратта бақылау-тексеру функциялары жоқ.

VIII. Бюджет және қаржы қаражатын игеру және бөлу.

2023 жылға бекітілген бюджет

2023 жылға Арал қаласының бекітілген бюджеті бюджеті 433 580,0 мың теңге.

Оның ішінде;

Қала көлемінде жиналатын салықтық және салықтық емес түсімдер 136 340,0 мың теңгесін құрайды

Трансферт аудандық бюджеттен қаржыландыру – 232 198,0 мың теңгесін құрайды.

Бүгінгі күнге бекітлген жылдық қаржының 432854,9 мың теңге яғни 99,8 пайызға игерілді.

Игерілмеген 650,0 мың теңге қаржы

2023 жылдың 04 мамырында № 1242508/23 – 209 төлем құжатымен хабарламасыз өнім берушіге 295,0 мың теңге қаржы және үстіміздегі жылдың 03 шілдесінде №1242508/23 – 420 төлем құжатымен 60,0 мың теңге қаржы жіберілген.

Мемлекеттік сатып алу бойынша.

2023 жылға мемлекеттік сатып алуға 269 511,3 мың теңге көлемінде қаржы бөлінген.

IX.Жеке және заңды тұлғалармен шарттар жасасу.

Ақпараттық жүйелерді әзірлеу және пайдалану.

Осы кезге дейін аппаратпен ешқандай ақпараттық жүйе дайындалмаған. Ақпараттық жүйенің барлығы облыс әкімі аппараты арқылы жүзеге асырылады.

XI.Талдау объектісінің ұйымдастырушылық-басқарушылық қызметінен туындайтын өзге де мәселелер.

11.1. Аппараттың жалпы құжат айналымы:

Кіріс хаттар саны жалпы – 543 хаттар.

Шығыс хаттар саны жалпы – 575 хаттар.

Ішкі кіріс хаттар саны жалпы – 320 хаттар.

Ішкі шығыс хаттар саны- 431 хаттар.

Өтініштер бойынша:

Жеке және заңды тұлғалардан 676 өтініш қабылданып, қолданыстағы заңнамаларға сәйкес жауаптар жолданған. Мерзім бұзушылықтар орын алмаған.

Азамат М. Көлдеевтің 2023 жылдың 27 сәуіріндегі № ЖТ-2023-00751440 санды жолданымы бойынша жұмыс жасау барысында аталған жолданымды орындаушыға уақытында бағыттамай, негізсіз созбалаңға салу дерегін анықталған.

Талдай келе, аталғандерек демалыс және мерекемен қарбалас күндеріне орай орын алған. Нақтырақ айтқанда, жолданым келіп түскен күні, яғни 2023 жылғы 27-ші сәуірде тіркеуге алынып, басшыға жолданған. 28-ші сәуір күні басшының қолымен қала әкімі орынбасарына тапсырылған болса, келесі 29-шы және 30-шы сәуір күндері демалыс күндері болып, олардан кейінгі 1-ші мамыр күні мереке күні болғандықтан, ары қарай орындаушыға 2-ші мамыр күні жөнелтілген.

Аталған деректі көрсете отырып, Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша комитеті 17.10.2023 жылдың № 2-21104-23-04225 санды ұсынуымен кемшілік жіберген тұлғаға тәртіптік шара қолдануды талап еткен.

Соған сәйкес, Арал қаласы әкімі аппаратына келіп түскен өтініштерді бақылауға жауапты тұлға, бас маманА. Оразалиеваныңтүсінігі алынып, соның негізінде тәртіптік жаза қолданылған.

Сонымен қатар, азаматша Б. Ешниязованың 29.06.2023 жылғы № ЖТ-2023-01190187 санды жолданымы зерделеу жұмыстары қажет етілгендіктен орындау мерзімі ұзартылған және ол туралы жолданым иесіне уақытылы хабарланған, алайда ұзартуға себеп болатын нақты мән-жайлар көрсетілмеген.

Тағы да сол сияқты, жеке және заңды тұлғалардың өтініштерімен жұмыс жасау барысында, әсіресе «Е-өтініш» жүйесімен жұмыс жасау барысында қызметкерлер тарапынан қате-кемшіліктерге жол берілген жағдайлар кездеседі.

Осыған сәйкес, жолданымдармен жұмыс жасау барысында жіберілген кейбір қате-кемшіліктердің салдарынан айыппұл төлеуге апарып соғатын заң бұзушылықтарды болдырмау мақсатында, өтініштермен жұмыс жасау бойынша қызметкерлерге құқықтық оқу өткізу қажет етіледі.

11.2. Қала әкімі аппаратында 2023 жылы атқарылған жұмыстар жөнінде:

Қаржы-салық саясаты:

2023 жылға жоспарланған бюджеттің жалпы сомасы 433,5 млн. теңгені құрайды (оның ішінде: салық түсімдері–125,1 млн.тг., мүлікті жалға беруден түсетін түсімдер – 11,2 млн.тг., негізгі капиталды сатудан түсетін түсімдер – 65,0 және трансферттердің түсімі – 232,2 млн.тг.).

Ағымдағы жылға жоспарланған бюджет көлемі 2022 жылдың бюджетімен салыстырғанда (372,8 млн теңге) 15 пайызға артып отыр.

Салықтық түсімдер.

Арал қаласы бюджетінің негізін құрайтын төлем көзінен салық салынбайтын табыстардан ұсталатын жеке табыс салығы, жеке тұлғалардың мүлкіне салынатын салығы, жер салығы, заңды тұлғалардан көлiк құралдарына салынатын салығы, жеке тұлғалардан көлiк құралдарына салынатын салығы және жер учаскелерін сатудан түсетін түсімдерболып табылады. 2023 жылы 101 202 салық жіктемесі бойынша 96 265,9 мың теңге (болжам 36 700,0 мың теңге) бюджетке түскен, атқарылу пайызы 241,3%,жоспардан 56 365,9 мың теңгеге артық.

104 102 салық жіктемесі бойынша 1 976,7 мың теңге (болжам 1 665,0 мың теңге) бюджетке түскен, атқарылу пайызы - 118,7.

104 302 салық жіктемесі бойынша 6 016,8 мың теңге (болжам 7 135 мың теңге) бюджетке түскен, атқарылу пайызы - 84,3%.

104 401 салық жіктемесі бойынша 5 151,9 мың теңге (болжам 3 910,0 мың теңге) бюджетке түсіп, атқарылу пайызы - 131,8%.

104 402 салық жіктемесі бойынша 77 715,8 мың теңге (болжам 68 450,0 мың теңге) атқарылу пайызы - 113,5%,жоспардан 9 265,8 мың теңгеге артық түсім түскен.

105 315 салық жіктемесі бойынша 9 698,0 мың теңге (болжам 3 266,0 мың теңге) атқарылу пайызы - 296,9%.

105430 салық жіктемесі бойынша 1 614,9 мың теңге қаржы (болжам 814,0 мың теңге) бюджетке түскен.

Салықтық емес түсімдер бойынша «Арал қаласы әкімінің аппараты» КММ-сіне 201510 салық жіктемесіне 13 824,5 теңге (болжам 11 200,0 мың теңге) бюджетке түскен.

206109 салық жіктемесі бойынша 172,2 мың теңге қаржы түскен (алайда қаржы жоспарланбаған) бюджетке түскен.

Негізгі капиталды сатудан түсетін түсімдер бойынша 303 101салық жіктемесіне 117 686,5 мың теңге (болжам 65 042,0 мың теңге) атқарылу пайызы - 180,9 %.

Жарықтандыру бойынша:

2023 жылдың қорытындысымен Арал қаласында қалыптасқан 228 көшенің 131 көшесі түнгі жарық шамдарымен қамтылған. Бұл көрсеткіш (57%) көп жылдар бойы аудандық бюджеттің мүмкіндігіне қарай кезең-кезеңімен жоспарланып жасалған жұмыстардың нәтижесі екендігін көрсетеді. 2023 жылдың наурыз айындағы жағдай бойынша қала аумағында жалпы 1774 түнгі көше жарық шамының 503 данасының ақауы анықталып (істен шыққан, пайдалану мерзімі өтіп кеткен), жыл көлемінде қала көшелеріндегі, көпшілік демалатын орындардағы (саябақ, сквер, аллея, шағын спорт және балалар ойын алаңдары) жарықтандыру нысандарын қалпына келтіру, жөндеу жұмыстарының (8,0 млн. теңге) мердігері «Энергия Строй Монтаж» ЖШС-і мекемесі арқылы жөндеу, қалпына келтіру жұмыстары жүргізілді.

Сонымен қатар, қаладағы А. Байтұрсынов көшесінің аяғындағы, әскери қалашыққа барар жолдың қиыршық тасты автомобиль жолын тегістеу және жарықтандыру мақсатында жергілікті бюджеттен бөлінген 2,4 млн теңге қаржының 1,9 млн теңгесіне жеңімпаз болып атанған «ТехЭксперт-Т» ЖШС-мен жалпы ұзындығы 0,6 км автомобиль жолына профилировка жасалып, түнгі жарық беру темір бағаналары орнатылды.

Сондай-ақ, Арал қаласының көшелерін түнгі көше жарық шамдарымен қамтамасыз ету мақсатында, аудандық бюджеттен бөлінген 20,0 млн теңге (17,8 млн теңге ҚҚҚС-сыз) қаржыға 34 көше жарықтандырылып, қосымша Арал қаласы әкімі аппаратының өз күшімен және 6 көшеге жарық шамдары қондырылды. Осы жұмыстар алдағы уақытта да жалғасын табатын болады.

Абаттандыру бойынша:

Өздеріңізге мәлім, Арал қаласының бас жоспары әзірленіп, бекітілген. Қазіргі таңда қаладағы орталық алаң мен аллеялардың дендрологиялық жоспарлары дайындалып, жүзеге асырылған. Өткен жылы бастау алған «Балықшылар аллеясы» жобасы бойынша жалпы құны 357,5 млн теңге болатын нысан пайдалануға беріліп, 2023 жылдың 20 қыркүйек күні аллеяда «Балықшылар слеті» атап өткізілді. Сонымен қатар, «Жалаңтөс Баһадүр» алаңының құрылысы да аяқталып, бүгінгі күні аталған обьект қаладағы ең ірі көпшілік демалатын орындардың біріне айналды.

«Тағзым», «Тәуелсіздік» «Медетбаев» алаңдарының ағымдағы жөндеу жұмыстарына 3,8 млн. теңгеге жеңімпаз мердігер болып танылған «Марс КЗО» ЖШС-і бекітілген сметалық құжаттамаға сәйкес тиісті жұмыстарын жүргізіп, объектілердің ағымдағы жөндеу жұмыстары қабылданды.

Бұдан басқа, кіші сәулеттік нысандар мен скверлер мен саябақтардың, балалар, шағын спорт алаңдарының техникалық жағдайларына зерделеу жұмыстары жүргізіліп, анықталған ақауларды қалпына келтіру жұмыстарын жүргізуге сметалық құжаттамалар әзірленді. Нәтижесімен, бюджеттен бөлінген 295,0 мың теңге қаржыға З. Шүкіров атындағы қалалық мәдениет үйі ғимаратының қасбеті мен 1,4 млн. теңгеге Арал қаласы әкімі аппаратының ғимаратына безендіру жұмыстары жүргізілді.

Сонымен қатар, көше-жол тораптарындағы архитектуралық келбетін бұзып тұрған техникалық талаптарға сай келмейтін электр торабы мен телекоммуникация желілері бағаналары мен кабельдерін және ауыз су құдықтарын қалпына келтіру жұмыстары аудандық телекоммуникация торабы, «Арал-Сарыбұлақ топтық су құбыры» филиалы мен аудандық электр торабы кәсіпорындарымен бірлесіп жүргізіліп, жұмыстар биылғы жылы да жалғасын табатын болады.

Бұдан бөлек, балалар, спорттық-ойын алаңдарын салу жоспарына сәйкес 7 жер учаскелері белгіленіп (С. Көбеков көшесі (жоғарғы жағы), Ә. Молдағұлова көшесі (аяғы), П. Құттымұратова көшесі (бұрыңғы «Көк базар» маңы), Бекарыстан би көшесі (бұрыңғы № 199 мектептің орны), Р. Тұрымбетов көшесі (аяғы), М. Балмағанбетов (Космонавт) көшесі (Өрт сөндіру депосының жаны), Б. Халықов ( № 71 мектеп, «Тамаша» моншасының жаны), нысан салынуға жататын орындардың тізімі аудандық тұрғын үй-коммуналдық шаруашылығы, жолаушылар көлігі және автомобиль жолдары бөліміне ұсынылды. Алдағы уақыта аталған жұмыстардың жүргізілуіне тиісті жұмыстар жүргізілетін болады.

Сонымен қатар, жыл көлемінде жергілікті бюджеттен бөлінген 15,0 млн теңге қаржыға Арал қаласын абаттандыру мақсатында ПВХ материалдарынан көлемді әріптер жасалып, баннерлер, стендтер мен ПВХ материалдарынан тақтайшалар дайындалып, қала аумағындағы тиісті орындарға орнатылды.

Жыл аяғында «Рәміздер алаңы» кешені аумағының артқы бетінің периметрі бойынша үрінді құм мен қардан қорғау, абаттандыру мақсатында бюджеттен бөлінген 6,2 млн теңге қаржыға, «Кенбаев» жеке кәсіпкерлігі субъектісімен бұрынғы қоршаулары демонтаждалып, жаңадан темір конструкцияларынан қоршаулар орнатылды.

Сондай-ақ, аудандық бюджеттің қаржыландыруымен бөлінген 7,0 млн теңгеге қаланың орталығындағы саябақтар мен скверлер, аллеялардағы көгалдандыру нысандарының су жүйелерін ағымдағы жөндеу және аталған объектілерге тамшылатып суару әдісін қолдана отырып, су құбырларын және жөндеу-монтаждау жұмыстары жүргізілді.

Арал қаласының санитарлық тазалық жұмыстарын жүргізу

2023 жылы аудандық бюджеттен бөлінген 74,0 млн теңге қаржыға, бекітілген 3 мөлтек аудан бойынша «Қуанышбек» ЖШС мен «Қуаныш» жеке кәсіпкерлік субъектісімен, бекітілген сметалық құжаттамаға сәйкес тиісті жұмыстар жүргізілген.

Сондай-ақ, бюджеттен қаралған 7,1 млн теңге қаржыға Арал қаласының шеткі аймақтарын тазалау жұмыстарының мердігері дара кәсіпкер – «Н. Мырзагулова» (Балсүгіров Мұхтар) өзіне бекітілген қала аумағының периметрі бойынша санитарлық тазалық жұмыстарын жүргізді.

Сонымен қатар, қаламыздың оңтүстік-батыс беткейінде орналасқан полигонындағы қатты тұрмыстық қалдықтарды көму, тегістеу, нығыздау және сұрыптау жұмыстарын жүргізуге бөлінген 8,9 млн теңге қаржыға «Қуанышбек» ЖШС-мен толыққанды жұмыстар жүргізілді.

Негізгі проблемалық мәселелер:

Арал қаласындағы жалпы аумағы 76,5 га жерде орналасқан 5 ірі сор көлдерін көму. Бұл жұмыстардың жалпы сметалық құны – 460,3 млн теңге;
Арал қаласы бойынша балалар және шағын спорт ойын алаңдарын салу;
Қаладағы «Орыс», «Қалмақ», «З. Шүкіров», т.б. қорымдарды қоршау;
Арал қаласы тұрғындарын қоқыс жинайтын жәшіктермен қамтамасыз ету;
Арал қаласындағы қатты тұрмыстық қалдықтар төгуге арналған көне полигонды көму (жою);
Арал қаласынан жаңадан кәріздік, лас суларды төгу алаңын ұйымдастыру;
Арал қаласындағы санавиацияға арналған ұшу алабын (взлетная полоса) қалпына келтіру;
Санитарлық тазалық жұмыстары бойынша:

Арал қаласында санитарлық тазалық жұмыстарының тиімділігін арттыру мақсатында жыл басынан бері қала аумағы, өткен жылдағыдай 2 аумақ емес, 3 санитарлық мөлтек ауданға бөлінді.

Осыған сәйкес, ҚР Мемлекеттік сатып алу заңдылығына сәйкес, ашық кнкурс тәсілімен «Шанхай», «Жаңаауыл» (1-ші лот – 20,1 млн. теңге ҚҚС-сыз) және «Автобаза», «Тельман» (2-ші лот – 18,0 млн. теңге ҚҚС-сыз) мөлтек аудандардың мердігері болып «Қуанышбек» ЖШС-і белгіленсе, «Киров», «Орталық», «Курортная» (3-ші лот – 14,2 млн. теңге ҚҚС-сыз) мөлтек аудандардың мердігері болып «Қуаныш» жеке кәсіпкері танылды.

Қазіргі таңда, күнделікті бекітілген жұмыс кестесі бойынша тиісті санитарлық тазалық жұмыстары жүргізілуде.

Жер кезектілігі және жер учаскелерін табыстау туралы:

Арал қаласы бойынша жер учаскесін алу үшін барлығы – 7823азаматтың өтініші арнайы есепке алынған. Жылдар бойынша бөлінісі:

2008 ж	2009 ж	2010 ж	2011 ж	2012 ж	2013 ж	2014 ж	2015 ж	2016 ж	2017 ж	2018 ж	2019 ж	2020 ж	2021 ж	2022 ж	2023 ж
393	337	405	525	481	273	329	301	442	381	295	296	330	423	1962	650

ҚР Жер Кодексінің 41-1-бабына сәйкес азаматтарға қолжетімді болу мақсатында жер кезектілігінің тізімі«Арал қаласы әкімінің аппараты» КММ-сі ғимаратының 1 қабатында орналасқан.

2008-2009 жылдары жер кезектілігіне - 730 өтініш алынған болса, оның ішінде 2022 жылы 230 өтініш иесіне жер учаскесі табысталды.

2023 жылдың тамыз айында Арал қаласының су және электр желісі жүргізілген аймақтарынан дайын болған жер учаскелерінің санына қарай - 500 өтініштің тізімі жасақталып, аудандық құрылыс, сәулет және қала құрылысы бөліміне жолданды.

Ағымдағы жылдың соңғы төрт ай мерзімінде, дайын болған алаңдардан барлығы - 262 өтініш иесіне жер учаскесі табысталса, 24 өтініш мерзімі бойынша қаралуда.

Қалған жер алуға өтініш түсірмеген 214 азаматтар үшін аудан әкімдігін белгілей отырып, Арал қаласының «фейсбук» әлеуметтік парақшасына бірнеше рет «хабарландырулар» берілді.

Бұдан бөлек, аталған жұмыстар Арал қаласының № 6 және № 8 мөлтек аудандарында жалғасын табуда. Аймақтар бойынша электр және су желісін жүргізуге қаражат бөлініп, құрылыс жұмыстары аяқталды. Бұл аймақтарданқосымша 661 (№6 м/а - 353 учаске, №8 м/а - 308 учаске) азаматтарға жер учаскесін беру жоспарланып отыр. Аталған аймақтардан жер учаскесін бөліп беру схемасының дайын болуына орай ағымдағы жылдың сәуір айынан бастап жер учаскелерін табыстау жұмыстары жүргізілетін болады.

Анықтама ретінде: 2010-2011 жылдары барлығы 955 азамат кезекке алынған, оның ішінде: №6 және №8 мөлтек аудандарынан 661 азаматтарға берілсе,.қалған 294 өтініш иелеріне алдағы уақытта дайындалатын алаңдардан берілетін болады.

Арал қаласы әкімінің аппараты мұрағатында сақталған 2009-2010 жылдары арнаулы есептегі өтініштерге түгендеу жұмыстары жүргізіліп, тиісті құжаттарға сәйкес тізімдер нақтыланды. Осылардың негізінде, инфрақұрылым жүргізілген аймақтардан кезектілік тізім бойынша жер учаскелерін табыстау жұмыстары жүргізілетін болады.

Мерзімді әскери қызметке шақырту жұмыстары туралы:

2023 жылғы көктемгі, күзгі мерзімді 18-27 жас аралығындағы әскери қызметке шақырылуға жататын азаматтарды аттандыру бойынша барлығы 55 азамат аттандырылды.

Атап айтсақ,ҚР Ұлттық Қауіпсіздік комитетінің шекара қызметіне – 10 азамат,десанттық-шабуылдау әскерлеріне – 32 азамат,Ұлттық ұлан қызметіне -10 азамат және мемлекеттік күзет қызметіне - 3 азамат аттандырылды.

Бұл ретте, әскери қызметке барудан жалтарып жүрген азаматтарға қала әкімі аппаратының жауапты мамандары, аудандық полиция бөлімі және аудандық қорғаныс бөлімі қызметкерлерімен бірлесе күндізгі және түнгі рейдтер ұйымдастырылып, шақырту қағаздарын тарату жұмыстарын жүргізуде.

Жұмыспен қамту, әлеуметтік төлемдер бойынша:

2023 жылы Арал қаласының көшелеріне санитарлық тазалау жұмыстары үшін 99 адам алынған.

Жыл аяғына дейін қала тазалығында 86 адам қоғамдық жұмыста жүрді.

Санитарлық тазалау жұмыстарына жауапты мердігер «Қуаныш» ЖШС-і мекемесінде 56 адам, жеке кәсіпкер «Қуаныш» мекемесінде 30 адам қоғамдық жұмыс жасаған. Жыл аяғына жұмыссыз 99 адамның 60-ы жеке кәсіпкерлер арқылы тұрақты жұмыспен қамтылған.

«10 мың адамға 100 жаңа жұмыс орнын құру» тапсырмасына байланысты 2023 жылға жаңа жұмыс орындарына жыл аяғына дейін 507 адамды жұмысқа орналастыру қажеттілігі көрсетілген. Жыл қорытындысы бойыша 588 адам жаңадан ашылған жұмысқа орналастырылып, меже 116 пайызға орындалған.

Атаулы әлеуметтік көмек 140 отбасыға тағайындалды.

Атаулы әлеуметтік көмек алуға құжат тапсырған отбасылардың материалдық жағдайын тексеруге Арал қаласы әкімінің 2023 жылдың 4 сәуірдегі № 61 ө/нқ өкіммен құрылған учаскелік комиссиясы жұмыстар жүргізуде.

ҚОРТЫНДЫ БӨЛІМ:

Бұрын жүргізілген ішкі талдау нәтижелері бойынша:

Мемлекеттік қызмет істері агенттігінің Қызылорда облысы бойынша департаментіне азаматтарға экологиялық анықтамаларды беру процедурасын регламенттейтін норма болмағандықтан, сыбайлас жемқорлық тәуекелдерін болдырмау мақсатында, қызмет көрсетушімен қызмет алушының арасындағы тікелей қарым-қатынасты болдырмау және заңға сәйкестендіру үшін, анықтама беруді мемлекеттік көрсетілетін қызметтер тізіліміне енгізіп, стандартын бекіте отырып, электронды түрде көрсету мүмкіндігін қарастыру қажеттігі туралы жолданғанұсыным хатқа «Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылға 30 маусымдағы Заңының нормаларына сәйкес, экологиялық қасірет аймағында тұратын халыққа Заңда көрсетілген әлеуметтік қолдау шараларын ұсыну үшін арнайы анықтама талап етілмейтіндігі, Заңда мұндай анықтама беру белгіленбегендігі, қосымша ақы және қосымша еңбек демалысын алу үшін экологиялық қасірет аймағында еңбек қызметін жүзеге асыру фактісі жеткілікті болып табылатындығын көрсете отырып, «экологиялық анықтама» беру және оны мемлекеттік қызметтер тізіліміне енгізу үшін негіздер жоқ деп жауап берілген.

Алайда, тұрғылықты жері Арал қаласы болып табылатын, басқа қалада оқитын студенттерден және вахталық әдіспен басқа қалада жұмыс жасайтын азаматтар тарапынан «экологиялық анықтама» талап етуі тоқтамай отыр. Ешқандай құжаттарында экологиялық апат аймағында тұрып жатқандығын дәлелдейтін дәйек жоқ. Студенттер оқу орнына түскен уақытта оқу орны орналасқан қалаға есепке тұруы үшін Арал қаласынан есептен шығуға мәжбүр. Тұрғылықты мекенжайы бойынша берілетін анықтамада алдыңғы (Арал қаласында) тұрған уақыты көрсетілмейді. Осыған орай, оқу не жұмыс әкімшілігі тарапынан берілуі тиіс мемлекет белгілеп берген әлеуметтік көмектерді пайдалану мүмкіндігі шектеліп отырғандығын алға тартуда.

Қызылорда облысының кәсіпкерлік және өнеркәсіп басқармасынаАрал қаласы бойынша кәсіпкерлік және мал шаруашылығын дамыту бағытында несие алатын жеке кәсіпкерлер қаржы ұйымдары тарапынан жасақталған тізімдегі қажетті құжаттарды жинақтау барысында мал жайы туралы анықтама және қолдау хат беру жөнінде қала әкімі аппаратына жүгінетіндін. Дегенмен, қазіргі таңда заңнамалық актілерді зерделеу барысында мал жайы туралы анықтаманы беру қала әкімі аппаратының құзіретіне жатқызылмағандығын және аталған анықтама мен қолдау хатты берудің нақты құзыреті заңнамалық актілерде көрсетілмеген алға қоя отырып, сол анықтама мен қолдау хатты қолданыстағы заңнамалық талаптарға сәйкестендіруге тиісті шешім қабылдау жөнінде жолданған ұсыным хатқа, басқарма қолданыстағы заңнамаларға сәйкес қаржы ұйымдарының бизнеске кредит беру саясатына араласуға, олардың ішкі регламенттерімен бекітілген құжаттарына өзгеріс енгізуге ықпал етуге мүмкіндігінің жоқ деп жауап қайтарды.

Нәтижесінде, қазіргі таңда несие алатын жеке кәсіпкерлергеАрал қаласы әкімі аппараты тарапынан мал жайы туралы анықтама және қолдау хат берубіржола тоқтатылды.

Қызылорда облысының мемлекеттік сатып алу басқармасынаҚазақстан Республикасының 2015 жылғы 4 желтоқсандағы «Мемлекеттiк сатып алу туралы» Заңының 39-бабында бір көзден алу тәсілімен мемлекеттік сатып алуды жүзеге асыру негіздері және осы баптың 4-ші тармағында мемлекеттік сатып алу туралы шартты тікелей жасасу арқылы бір көзден алу тәсілімен мемлекеттік сатып алу мемлекеттік сатып алуды жүзеге асыру қағидаларында айқындалған тәртіппен форматтық-логикалық бақылау ескеріле отырып жүзеге асырылады делінгенін, жоғарыда аталған заңның 41- бабының 1) тармақшасында осы Заңның 39-бабының 3-тармағында көзделген негіздер бойынша мемлекеттік сатып алу туралы шартты тікелей жасасу арқылы бір көзден алу тәсілімен тауарларды, жұмыстарды, көрсетілетін қызметтерді мемлекеттік сатып алу мұндай тауарларды, жұмыстарды, көрсетілетін қызметтерді осы Заңның 13-бабы 1-тармағының 1), 2), 3) және 5) тармақшаларында көрсетілген өзге де тәсілдермен сатып алу мүмкін болмаған айрықша жағдайларда жүзеге асырылатындығы көзделгенін, бұдан басқа, жоғарыда аталған заңның 41- бабының1)тармақшасында осы Заңның 39-бабының 3-тармағында көзделген негіздер бойынша мемлекеттік сатып алу туралы шартты тікелей жасасу арқылы бір көзден алу тәсілімен тауарларды, жұмыстарды, көрсетілетін қызметтерді мемлекеттік сатып алу мұндай тауарларды, жұмыстарды, көрсетілетін қызметтерді осы Заңының 13-бабы 1-тармағының 1), 2), 3) және 5)тармақшаларында көрсетілген өзге де тәсілдермен сатып алу мүмкін болмаған айрықша жағдайларда жүзеге асырылатын делінгенін көрсете отырып, аталған екі бап бойынша шартты тікелей жасасу тәсілімен сатып алу немесе мемлекеттік сатып алуды жүзеге асыру қағидаларында айқындалған тәртіппен форматтық-логикалық бақылау ескеріле отырып жүзеге асыруға болатындығы жөнінде процедураларды нақтылауға байланысты заңнамалық актілерге өзгерістер енгізу сұралған.

Бұл хаттағы мәселенің шешімі табылмай, ұсынымды толықтырып, қайта хат жолдау қажет етіледі.

ҰСЫНЫМДА

1.Сыбайлас жемқорлық тәуекелдерін жою бойынша:

1.1. Қазақстан Республикасы Мемлекеттік қызмет істері агенттігінің Қызылорда облысы бойынша департаментіне:

«Арал өңіріндегі экологиялық қасірет салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 30 маусымдағы Заңының 9 – бабында экологиялық қасірет салдарынан зардап шеккен азаматтарды тіркеу – Үкімет белгілеген тәртіппен тұратын жері және экологиялық қасірет аймағындағы бұрынғы тұрған жері бойынша жүзеге асырылады - делінген.

Дегенмен, бүгінгі күні азаматтарға экологиялық анықтамаларды беру процедурасын регламенттейтін норма жоқ. Тұрғылықты жері Арал қаласы болып табылатын, басқа қалада оқитын студенттерден және вахталық әдіспен басқа қалада жұмыс жасайтын азаматтар тарапынан «экологиялық анықтама» талап етуі тоқтамай отыр. Ешқандай құжаттарында экологиялық апат аймағында тұрып жатқандығын дәлелдейтін дәйек жоқ. Студенттер оқу орнына түскен уақытта оқу орны орналасқан қалаға есепке тұруы үшін Арал қаласынан есептен шығуға мәжбүр. Тұрғылықты мекенжайы бойынша берілетін анықтамада алдыңғы (Арал қаласында) тұрған уақыты көрсетілмейді. Осыған орай, оқу не жұмыс әкімшілігі тарапынан берілуі тиіс мемлекет белгілеп берген әлеуметтік көмектерді пайдалану мүмкіндігі шектеліп отыр.

Сондықтан, сыбайлас жемқорлық тәуекелдерін болдырмау мақсатында, қызмет көрсетушімен қызмет алушының арасындағы тікелей қарым-қатынасты болдырмау және заңға сәйкестендіру үшін, анықтама беруді мемлекеттік көрсетілетін қызметтер тізіліміне енгізіп, стандартын бекіте отырып, электронды түрде көрсету мүмкіндігін қарастыру қажет.

1.2. Арал қаласы әкімінің орынбасары А. Алтайұлына:

Сондықтан, 2024 жылдың аяғына дейін адами фактордың алдын алу мақсатында қызметкерлердің жұмысқа келіп-кету уақытын есепке алатын электронды басқару жүйесі(СКУД) орнату үшін қаржы бөлу мәселесін қарастыра отырып, заң аясында тиісті жұмыстарды жүргізу қажет деп есептейміз.

1.3. Арал қаласы әкімі аппаратының бөлімше басшысы М. Рсалиеваға, бас маман А. Оразалиеваға:

Сондықтан,жолданымдармен жұмыс жасау барысында жіберілген кейбір қате-кемшіліктердің салдарынан айыппұл төлеуге апарып соғатын заң бұзушылықтарды болдырмау мақсатында, өтініштермен жұмыс жасау бойынша қызметкерлерге құқықтық оқу өткізу қажет етіледі.

«Келісілді»

Жұмыс тобы мүшелері: