Жаңа оқу кезеңі басталды
Ұлттық ұланның Бас қолбасшылығы мен әскери бөлімдерінде жаңа оқу кезеңі басталды. Ұландықтар жан-жақты дайындықты сандық және сапалық тұрғыдан нығайту бойынша міндеттерді орындаудан бастады.
Бұл күні құқықтық тәртіп әскерлерінің Бас қолбасшылығы, әскери бөлімдері мен өңірлік қолбасшылықтарының аумағында оқу-профилактикалық іс-шаралар кешені өткізілді.
Алғашқы сабақты мемлекеттік-құқықтық дайындық пәні бойынша Ішкі істер министрінің орынбасары – Ұлттық ұланның Бас қолбасшысы генерал-лейтенант Еркін Ботақанов «Қазақстан Республикасы Қарулы Күштерінің Жоғарғы Бас Қолбасшысы – ел Президенті мемлекеттің ішкі және сыртқы саясаты мен Қазақстан азаматтарының әл-ауқатының өсуітақырыбында бастады. Мемлекеттік-құқықтық дайындық тақырыбы елдің ұлттық қауіпсіздігін қамтамасыз етуге және әскерлердің жауынгерлік дайындығын арттыруға арналды.
Сабақ барысында қызметтік-жауынгерлік қызметтің түрлі бағыттары бойынша бейнероликтер көрсетілді.
Сонымен қатар, ұландықтар мемлекеттік-құқықтық және жауынгерлік даярлық тақырыптарын зерделеді, қару-жарақ пен әскери техникаға қызмет көрсету, сондай-ақ алғашқы медициналық көмек көрсету, атыс және дене шынықтыру дайындығы барысында жұмыстарды орындау кезінде, сондай-ақ саябақ-шаруашылық күндерін өткізу кезінде қауіпсіздік шараларын қатаң сақтау бойынша кешенді сабақтар өткізілді.
Жаңа оқу кезеңі Ұлттық ұлан әскери бөлімдерінің жеке құрамын жоғары жауынгерлік әзірлікке келтіру жөніндегі жұмысты үйлестіруге және әртүрлі іс-қимылдарда жеке құрамның тәжірибелік дағдыларын жетілдіруге мүмкіндік береді. Топтық құраммен өткізілетін жиындар оң нәтиже береді, ал жергілікті жерлерде командирлер өз деңгейінде жаттығулар өткізеді. Біз командирлермен, бөлім командирлерімен және олардың орынбасарларымен, ал өңірлік қолбасшылықтармен – батальон, рота, взводтар деңгейінде және сержанттық құраммен бірге өткіземіз, – деп атап өтті Ішкі істер министрінің орынбасары – Ұлттық ұланның Бас қолбасшысы генерал-лейтенант Еркін Ботақанов.
Айта кету керек, жақын арада Түркістан және Жезқазған қалаларында жекелеген әскери бөлім құруды жоспарлаудамыз. Естеріңізге сала кетейік, 1 мамырдан бастап Қонаев қаласында Ұлттық ұланның әскери қызметшілері қоғамдық тәртіпті сақтау бойынша қызмет атқаруға кірісті. Бұрынғы Қапшағай құқықтық тәртіп әскерлері патрульдік-бекеттік қызмет атқаратын Қазақстанның 21-ші қаласы болды.
– Қарулы Күштермен, басқа да әскерлермен және әскери құрылымдармен бірлескен жұмыстың арқасында өткен жылы ұшқыштар мен медицина қызметкерлеріне ақшалай үлес деңгейін көтеруге мүмкіндік туды, осылайша оларды азаматтық ұйымдардағы жалақы мәндерімен теңестірдік. Биыл әскери атақтар бойынша жалақыны 30% - ға арттыру мәселесі тұр. Ұлттық ұланның әскери қызметшілері – мемлекетіміздің егемендігі мен қауіпсіздігін қорғау ісіне үлкен үлес қосатын нағыз патриоттар, олар өз елінің азаматтарының тыныштығын тәулік бойы қорғайды – деп мақтанышпен айтып өтті Ұлттық ұланның Бас қолбасшысы генерал-лейтенант Еркін Ботақанов.
ҚР Ұлттық ұланының баспасөз қызметі