Алматыда ұландықтар 15 минут ішінде жоғалған баланы анасына қайтарды

28 сәуір сағат 20.15 шамасында Медеу ауданындағы патрульдік жасаққа әйел адам келіп көмек сұрайды.

 Қобалжыған ана 40 минут бойы жоғалған 4 жасар баласын таба алмаған екен. Тәртіп сақшысы полиция аға сержанты А. Тұрымбаев, ұландық жауынгерлер қатардағы Әсет Мақұлов және Евгений Гильгерт мән-жайды білісімен бірден жоғалған баланы іздеуге кірісті.

Патрульдік жасақтың жедел іс-қимылының арқасында жоғалған бала анасының өтінішінен соң 15 минут ішінде балалар алаңынан табылды.

ҚР Ұлттық ұланының баспасөз қызметі