Әскери жасақтар кезекшісі лейтенант Арнат Сыздықов пен оның қарамағындағы патрульші қатардағы жауынгер Нұрболат Жұмабаев мән-жайды анықтау мақсатында, балалардың қасына келіп жөн сұрайды. Балалардың айтуы бойынша олар саябақта қыдырып жүріп, ата-аналарынан адасып қалған. Жағдайды түсінген офицер екі бүлдіршінді жақын маңдағы полиция пунктіне жеткізіп, ата-анасын іздеуге кіріседі. Полиция қызметкерлерінің көмегімен көп кешікпей, балақайлардың ата-анасының байланыс нөмері табылды. Екі бала отбасына аман-сау тапсырылды.
Балаларын дін аман құшағына алған ана ұландықтарға ризашылық білдіріп, әскери бөлім командирінің атына алғыс хат жолдады.