"Өзара іс - қимыл-2021" Тәжікстанда ҰҚШҰ бірлескен оқу-жаттығуы өтті
23-ші қазанда Тәжікстан Республикасында "Харбмайдон" полигонында, тәжік-ауған шекарасынан 20 км қашықтықта "Өзара іс-қимыл-2021", "Іздеу-2021" және "Эшелон-2021"оқу-жаттығуларының қорытынды кезеңі өтті. Оның барысында ҰҚШҰ әскерлерінің (ұжымдық күштерінің) тобы халықаралық террористік ұйымдардың содырлары Ұйымға мүше мемлекеттің аумағына кіру әрекеттеріне байланысты шекара маңындағы қарулы қақтығысты оқшаулау бойынша бірлескен операция өткізді.
Оқу-жаттығуларға ұйымға мүше мемлекеттердің қазіргі заманғы қару-жарақпен және әскери (арнайы) техникамен жарақтандырылған ұтқыр құрамалары мен тұрақты әзірліктегі әскери бөлімдерінен, ҰҚШҰ Біріккен штабы мен Хатшылығының жедел топтарынан, ішкі істер органдарының (полиция) арнайы бөлімшелері, қауіпсіздік органдары мен арнайы қызметтер қатарынан арнайы мақсаттағы күштер құралымдарынан, сондай-ақ төтенше жағдайлардың алдын алу және салдарын жою саласындағы уәкілетті органдардан тұратын әскери контингенттері қатысты. Барлығы 4 мың адам және 500-ден астам техника, оның ішінде Л-39, Су-25, Су-24мр, Ил-76тд ұшақтары, Ми-8 және Ми-24 тікұшақтары бар.
Ұжымдық күштердің соңғы кезеңдегі әрекеттерін ҰҚШҰ Бас хатшысы Станислав Зась, Тәжікстан Республикасының Қорғаныс министрі генерал-полковник Шерали Мирзо, ҰҚШҰ Біріккен штабының бастығы генерал-полковник Анатолий Сидоров, Ресей Федерациясы Орталық әскери округінің қолбасшысы генерал-полковник Александр Лапин бақылады.
Қазақстан Республикасы Ұлттық ұланының атынан жедел топ құрамында оқу-жаттығуға Ұлттық ұлан Бас қолбасшылығы бас жедел басқармасы қызметінің бастығы полковник Сергей Истомин және Ұлттық ұлан орталығының аға офицері подполковник Самат Қадырбеков қатысты.
Оқу-жаттығудың жоспары бойынша, "Харбмайдон" полигонында әскерлердің (күштердің) практикалық іс-қимылдарының басында Тәжікстан Республикасы Әскери-әуе күштерінің Л-39 ұшағы, сондай-ақ Ресей Федерациясының Су-24мр барлау ұшағы жергілікті жерге әуе барлауын жүргізді және мемлекеттік шекараны кесіп өтетін "содырлардың" колонналарын тапты.
Шартты қарсыластың оқу-жауынгерлік тапсырмаларды орындау ауданына одан әрі жылжуына тыйым салу үшін Ресей мен Тәжікстан Қарулы күштерінің арнайы мақсаттағы топтары Ми-8 тікұшақтарына қонды, олар ұжымдық күштердің бірінші эшелонын ұсынуды қамтамасыз етті.
Практикалық іс-қимылдар соңында Ресей Федерациясы мен Беларусь Республикасы Қарулы Күштерінің десантшылары мемлекеттік шекара бағытында кетіп бара жатқан қарсыласымен ұрыс жүргізді.
"Жауды" жеңгеннен кейін Тәжікстан ТЖМ бөлімшелері ұрыс салдарын жою және зардап шеккендерге көмек көрсету міндеттерін пысықтады.
"Қалқан-ақпарат"