Маңғыстау облысы бойынша ішкі мемлекеттік аудит департаментінің басшы орынбасары Алтай Кадралиев жергілікті «Mangystau» телеарнасындағы «Кесім мен шешім» бағдарламасында бой көрсетті

Бағдарламаның кезекті тақырыбы «Мемлекеттік сатып алу заңындағы жаңашылдықтар» болды. Сұхбат барысында мемлекеттік сатып алу заңнамасындағы өзгерістер туралы айтылды.  Айта кететін өзгерістер мен толықтырулар:

-конкурс құжаттамаларын қарау мерзімі 5 жұмыс күнінен 2 жұмыс күніне дейін қысқартылды;

-өтінімдерді қабылдау мерзімі 15 жұмыс күнінен 5 жұмыс күніне дейін қысқартылды;

-өтінімдерді қарау және қорытынды шығару мерзімі 10 жұмыс күнінен 3 жұмыс күніне дейін қысқартылып, сатып алу жеңімпаздары 10-12 жұмыс күні ішінде анықталатын болады.

 Аз маңыздылығы бар сатып алуларды жүзеге асыру мақсатында бір көзден сатып алу тәсілімен сатып алуға рұқсат етілген, яғни:

-тауарлар 100 АЕК дейін (369,2 мың теңге);

-жұмыстар мен қызметтер 500 АЕК дейін (1,846 млн теңге).

Ауылдық әкімдіктер үшін осындай тауарлар, жұмыстар мен қызметтерді сатып алу шегі 3 000 МРП-ден 4 000 АЕК дейін ұлғайтылады (14,7 млн теңге).

Сонымен қатар, төтенше жағдайлардың алдын алу үшін қажетті тауарлар, жұмыстар мен қызметтерді бір көзден сатып алу мүмкіндігі қарастырылғанын атап өтті.