ҚАРЖЫЛЫҚ ЕСЕПТІЛІК ДЕПОЗИТАРИЙІН АВТОМАТТАНДЫРУ

Қаржылық есептілік депозитарийінің интернет-ресурстары (бұдан әрі – Портал) электрондық деректер базасына қолжетімділікті қамтамасыз ету мақсатында құрылған. Қаржылық есептілік депозитарийі жыл сайынғы қаржылық есептер мен аудиторлық есептерді, акционерлік қоғамдардың тұлғаларының үлесі, сондай-ақ акционерлік қоғамдардың корпоративтік оқиғалары туралы пайдаланушыларға қолжетімді ақпаратты қамтитын электрондық деректер базасы болып табылады.

Ақпараттық қызмет 4 бөлімнен тұрады. Негізгі аспектілердің бірі – олардың дәлдігі мен сенімділігін қамтамасыз ету үшін деректерді жинауды, өңдеуді, сақтауды және пайдалануды автоматтандыру.

"Ақпараттық есеп орталығы" АҚ-мен бірлесіп "Bagalau", "Auditor", "Esepsi", "DFO" депозитарийлерінің ақпараттық сервистерінде Қазақстандағы нормативтік актілерге сәйкес бағалау, аудиторлық, бухгалтерлік және қаржылық қызмет саласында автоматтандырылған талдау үшін функциялар іске асырылды.

Қазіргі уақытта Тәуекелді басқару жүйесі функционалдары тиісті сервистердегі "есептер" бөлімінде іске асырылған және әрбір бақылау субъектісі бойынша Ішкі мемлекеттік аудит комитеті қызметкерлерімен толтыру үшін қолжетімді.

Бақылау субъектілері бойынша деректерді уақтылы енгізу тәуекел дәрежесінің көрсеткіштерін дәл есептеуді және бақылау субъектілеріне барумен профилактикалық бақылаудың жартыжылдық тізімдерін қалыптастыруды қамтамасыз етеді.