Жария мүдделі ұйымдар міндетті түрде қаржылық есептілік аудитін жүзеге асыруға тиіс

Жария мүдделі ұйымдардың қаржылық есептілікті депозитарийге ұсынудың бекітілген қағидаларына сәйкес:

- есепті кезең ішінде әрекетсіз және есепті кезеңнің 1 қаңтарына дейін банкрот деп жарияланған жария мүдделі ұйымдар (ұйымдар) жылдық қаржылық есептілікті депозитарийге ұсынбайды;

- жаңадан құрылған ұйымдар тіркелген кезден бастап есепті жылдың 31 желтоқсанына дейінгі кезең үшін жылдық қаржылық есептілікті ұсынады;

- еншілес ұйымдары бар ұйымдар қосымша жылдық шоғырландырылған қаржылық есептілікті ұсынады;

- аудит міндетті болып табылатын ұйымдар қаржылық есептілікпен бірге аудиторлық есепті, бұл ретте бастамашылық аудит нәтижелері бойынша есепті - өз бастамасы бойынша ұсынады;

- Депозитарийге қаржылық есептілік пен аудиторлық есепті ұсыну тәртібі бекітілді.

Қазақстан Республикасының бухгалтерлік есеп және қаржылық есептілік туралы заңнамасын бұза отыра, Астана қаласы бойынша барлығы 62 ұйым қаржылық есептілікті ұсынбаған, сондай-ақ 57 ұйым міндетті аудит жүргізбеген.

Заңнаманы бұзуға байланысты Департамент 40 әкімшілік іс қозғады, оның ішінде 40 хаттама жасалды. Жалпы сомасы 10 743,5 мың теңгеге айыппұл салынды, оның ішінде ұйымдар 9 012,9 мың теңге сомасында төлем жүргізді.

9 ұйым бойынша растайтын құжаттар бар: банкроттық туралы, тарату туралы сот шешімі.

Қалған 22 жария ұйым бойынша Департамент тізімдерде көрсетілген электрондық және пошта мекенжайлары бойынша хабарлама-хаттар жолдады. Алайда, барлық жіберілген хаттар көрсетілген мекенжай бойынша болмауына байланысты,  "Қазпошта" АҚ-ға қайтарылды.