Сырым ауданының білім беру бөліміндегі аудиторлық теқсеру қорытындысы

       Қазақстан Республикасы Қаржы министрлігі Ішкі мемлекеттік аудит комитетінің Батыс Қазақстан облысы бойынша ішкі мемлекеттік аудит департаментімен «Батыс Қазақстан облысының білім беру басқармасы Сырым ауданының білім беру бөлімі» ММ-де 2020 жылдың 01 қаңтарына 2022 жылдың 10 ақпанына дейінгі кезеңге бөлім қызметкерлерінің еңбекақы төлеу қорының негізділігіне және жеке қызметкерлердің карточкалық шоттарына аударымдардың сенімділігіне аудиторлық іс-шара жүргізілді.

       Жүргізілген аудиторлық іс-шараның нәтиежесінде жеке тұлғалардың және бөлім қызметкерлерінің жеке шоттарына 30 586,0 мың теңге соммасында бюджет қаражатын заңсыз аудару жолымен қаражатты ұрлау фактілері анықталды, оның ішінде бөлімнің есепші - кассирі басшымен бас есепшінің жеке электрондық цифрлық қолтаңбасын пайдалана отырып өзінің жеке шотына 2 021,3 мың теңге бюджет қаражатын заңсыз аударған. Сондай-ақ Бөліммен еңбек қатынастарында жоқ қызметкерлер мен тұлғаларға бюджет қаражаты (еңбекақы) аударылған.

       Департаментпен «Мемлекеттік аудит және қаржылық бақылау туралы»    Қазақстан Республикасы Заңының 5-бабының 2-тармағының 3- тармақшасына сәйкес аудиторлық тексерістің материалдары Сыбайлас жемқорлыққа қарсы іс-қимыл агенттігінің Батыс Қазақстан облысы бойынша департаментіне қарау және процессуалдық шешім қабылдау үшін жолданды.