Алматы қалалық ІМАД Сыбайлас жемқорлыққа қарсы қызмет өкілімен бірлесіп кеңес өткізді

 Алматы қаласы бойынша Ішкі мемлекеттік аудит департаменті Сыбайлас жемқорлыққа қарсы іс-қимыл Агенттігінің Алматы қаласы бойынша департаментінің сыбайлас жемқорлыққа қарсы ақпараттық-ағартушылық штабының басшысымен (Сыбайлас жемқорлыққа қарсы қызмет) бірлесіп, Алматы қаласы бойынша ішкі мемлекеттік аудит департаментінің ұжымымен дөңгелек үстел отырысын өткізді.

Алматы қаласы бойынша ІМАД басшысы Р.М. Ділдаев кіріспе сөз сөйлеп, барлық қатысушыларға белсенді қатысқаны үшін алғысын білдірді және сыбайлас жемқорлыққа қарсы іс-қимылдың басты міндеті қоғамдағы сыбайлас жемқорлықты жою, қоғамда сыбайлас жемқорлыққа қарсы мәдениетті қалыптастыру, мемлекеттік қызметшілердің этикалық нормаларын сақтауы болып табылатынын еске салды.

Сыбайлас жемқорлыққа қарсы ақпараттық-ағартушылық штабының басшысы С.С. Балғымбаев сыбайлас жемқорлыққа қарсы іс – қимыл жөнінде айтып берді. Алматы қаласының бұрынғы мемлекеттік қызметшілерін, сондай-ақ мемлекеттік функцияларды орындауға тұлғаларға теңестірілген тұлғаларды пара алғаны үшін ұсталған бейнеролигі көрсетілді.

Сондай-ақ," дөңгелек үстелде" Қазақстан Республикасының кейбір заңнамалық актілеріне өзгерістер мен толықтырулар енгізу туралы, атап айтқанда, мемлекеттік қызметшілердің материалдық сыйақы, сыйлықтар немесе оларды ұсынған адамдардың пайдасына жасаған әрекеттері (әрекетсіздігі) үшін қызметтер қабылдауына тыйым салу жөніндегі мәселелер талқыланды.

Кеңестің мақсаты сыбайлас жемқорлық құқық бұзушылық фактілеріне төзбеушілік атмосферасын құруды насихаттау, "сыбайлас жемқорлыққа қарсы іс-қимыл туралы" Заңның және сыбайлас жемқорлыққа қарсы күрестің мемлекеттік бағдарламаларының орындалу барысын жандандыру болып табылады.