2022 жылғы ақпанда еліміздің Президенті Қазақстанның мемлекеттік қызметшілерінің Әдеп кодексінің жаңа редакциясын бекіткені белгілі. Әдеп кодексінде мемлекеттік қызметшінің моральдық қағидаттары мен құндылықтарына үлкен мән беріледі. Өйткені моральдық қағидаттардың болмауы теріс құбылыстарға, теріс пайдаланушылыққа, сыбайлас жемқорлыққа айтарлықтай ықпал етеді. Бұған қоса, мемлекеттік қызметтің адал ниеттілік, адалдық, әділдік, ашықтық, сыпайылық және клиентке бағдарлану секілді әдептік қағидаттары айқындалды. Қазіргі заманғы мемлекеттік қызметшілердің басты мақсаты-азаматтардың қоғамдық мүдделеріне қызмет ету. Сондай-ақ, Әдеп жөніндегі уәкілдің қызметі ұжымда іскерлік және тілектестік өзара қарым-қатынасты нығайтуда және сындарлы ынтымақтастықты орнатуда маңызды болып табылады.
Осы тұста, Департамент басшылығына және Әдеп жөніндегі уәкілге мемлекеттік аудиторлардың аудиторлық іс-шараларды жүргізу кезінде әдепсіз іс-әрекеттер немесе мемлекеттік қызметке кір келтіретін іс-әрекеттер жасау фактілері туралы хабардар ету үшін Департаментте сенім телефоны (32-17-01) жұмыс істейтінін, көрнекті жерде Департамент қызметкерлерінің заңсыз іс-әрекеттеріне қарсы азаматтардың өтініштері, шағымдары мен арыздарына арналған жәшік орнатылғанын атап өту керек.
Осылайша, Әдеп кодексінің талаптарын мүлтіксіз сақтау мемлекеттік қызметшілер қызметінің тиімділігін арттыруға оң ықпалын тигізетіні сөзсіз.
Астана қаласы бойынша Ішкі мемлекеттік аудит департаменті