Ақтөбе облысы бойынша ішкі мемлекеттік аудит департаментімен 2022 жылдың І жартыжылдығының қорытындысы бойынша 122 аудиторлық іс-шара өткізілді, оның ішінде 112 іс-шара -жергілікті бюджеттен қаржыландырылатын мемлекетттік мекемелер мен квазимемлекеттік сектор субъектілерін, 10 іс-шара - республикалық бюджеттен қаржыландырылатын мемлекеттік мекемелер мен квазимемлекеттік сектор субъектілерін қамтиды.
Аудиторлық іс-шаралармен жалпы сомасы 28854,6 млн. теңгеге бюджет қаражаттары және мемлекет активтері қамтылып, жалпы сомасы 21194,8 млн. теңгеге бұзушылықтар анықталды, оның ішінде қаржылық бұзушылықтардың сомасы 4006,5 млн.теңгені және рәсімдік сипаттағы бұзушылықтар 17 188,3 млн. теңгені құрады.
Есепті кезеңде анықталған жалпы сомасы 4006,5 млн. теңге қаржылық бұзушықтардан 3889,6 млн. теңге (97,1%) өтелді және қалпына келтірілді, оның ішінде өтелуге жататыны – 612,5 млн. теңге болса, бюджетке 609,2 млн. теңге (99,5%) өтелді. Жұмыстармен, қызметтермен және тауарлармен қалпына келтіру, есеп бойынша көрсету сомасы 3393,9 млн. теңгені құрады, тауарларды жеткізу, жұмыстарды орындау, қызметтерді көрсету және есеп бойынша көрсету арқылы жалпы сомасы 3280,4 млн. теңгеге (96,7 %) қалпына келтірілді.
2022 жылдың І жартыжылдығында камералдық бақылаумен 309903,2 млн. теңге соманың 15953 лоты мен жоспар тармақтары (қамту 98,4% құрайды) қамтылды, 1100 лот бойынша 39895,2 млн.теңгеге бұзушылықтар аңықталды.
Департамент тарапынан есепті кезеңде 330 лауазымды тұлға әкімшілік жауапкершілікке тартылып, 23209,9 мың. теңге сомасына әкімшілік жаза салынды және ол толығымен бюджетке өндірілді.
Сондай-ақ ағымдағы жылдың аудиторлық қызмет нәтижелері бойынша 70 лауазымды тұлға тәртіптік жауапкершілікке тартылды.