Қазақстан Республикасы Қаржы министрлігі Ішкі мемлекеттік аудит комитетінің Шығыс Қазақстан облысы бойынша Ішкі мемлекеттік аудит департаментімен ағымдағы жылдың 8 айында электрондық сатып алу жүйесі қалыптастырған мәліметтер негізінде, камералдық бақылау аясында 15260 жағдайда 50,7 млрд. теңге сомаға тапсырыс берушілердің шартты тікелей жасасу арқылы бір көзден алу тәсілімен мемлекеттік сатып алуды жүзеге асыру рәсімдері қамтылды.
Талдау көрсеткендей, шартты тікелей жасасу арқылы бір көзден мемлекеттік сатып алуды жүзеге асыру тәсілін таңдау кезінде тапсырыс берушілермен жиі жол берілетін бұзушылықтар сатып алу нысанасын зияткерлік меншік құқығының объектілеріне негізсіз жатқызу, аяқталғанға дейін шартты тікелей жасасу арқылы бір көзден сатып алу тәсілін қолдану қажеттілігі туындайтын, бәсекелестік негізде мемлекеттік сатып алуды өткізбей күн сайынғы және (немесе) апта сайынғы қажеттіліктегі тауарларды, жұмыстарды және көрсетілетін қызметтерді сатып алу болып табылады.
Сондай-ақ, аумақтық бірлік әкімдерінің аппараттары болып табылмайтын, Қазақстан Республикасының «Мемлекеттік сатып алу туралы» Заңының 39-бабы 3-тармағының 42) тармақшасына сәйкес, тікелей шарт жасасу арқылы мемлекеттік сатып алуды жүзеге асыру кезінде тапсырыс берушілердің негізсіз таңдауы орын алған.
Камералдық бақылау объектілеріне 1,5 млрд.теңге сомасына бұзушылықтарды жою туралы 289 хабарлама жіберілді, оның ішінде 8 жағдайда кінәлі тұлғалар хабарламаларды орындамағаны және тиісінше орындамағаны үшін әкімшілік жауапкершілікке тартылды.
ҚР ҚМ ІМАК Шығыс Қазақстан облысы бойынша Ішкі мемлекеттік аудит департаменті