Атырау облысы бойынша Ішкі мемлекеттік аудит департаменті 2022 жылдың 1- жартыжылдығында 55 аудиторлық іс –шара жүргізді.
Аудиторлық іс-шаралар жүргізу барысында 52 905,1 млн.теңге қамтылып, жалпы сомасы 13 381,5 млн.теңгенің бюджет заңнамасының бұзушылықтары анықталды, оның ішінде: рәсімдік сипаттағы бұзушылықтар сомасы 10 997,0 млн.теңге және қаржылық бұзушылықтар сомасы 2 384,5 млн.теңгені құрап, бүгінгі күнге алынған шаралармен 2 148,5 млн.теңгесі қалпына келтірілді.
Қазақстан Республикасының «Әкімшілік құқық бұзушылық туралы» Кодексі баптарымен 204 лауазымды тұлғаға жалпы сомасы 11,4 млн.теңге айыппұл салынып, оның ішінде 11,3 млн.теңге бюджетке өндірілді.
Жіберілген бұзушылықтар үшін 52 лауазымды тұлға тәртіптік жауапкершілікке тартылып, оның ішінде 2-еуі атқарып отырған қызметінен босатылды.
Жалпы сомасы 1290,5 млн.теңгенің 8 аудит материалы құқық қорғау органына жолданды, оның ішінде 3 материал бойынша сотқа дейінгі тергеу жұмыстары жүргізілуде, 5 материал бойынша қылмыс құрамының болмауы байланысты басқа мемлекеттік мекемелерге тәртіптік жауапкершіліктерін қарауға жолданды.
Есепті кезеңде мемлекеттік сатып алуларға жүргізілген камералдық бақылаумен 8572 рәсімдер қамтылып, 968 мемлекеттік сатып алулар бойынша жалпы сомасы 29 971,5 млн.теңгенің бұзушылықтары анықталды, олардың нәтижесімен жіберілген хабарламалар толықтай орындалды.
Департаментке 656 өтініш түсті, Заңда көзделген мерзімде қаралып, өтініш берушілерге жауаптары берілді.
Атырау облысы бойынша Ішкі мемлекеттік аудит департамент