Қостанай облысы бойынша ішкі мемлекеттік аудит департаменті «Федоров ауданы әкімдігінің мәдениет және тілдерді дамыту бөлімінің «Жастар» аудандық мәдениет үйі» МКК-нда аудиторлық іс-шара жүргізіп, оның барысында сомасы 22,1 млн.теңгеге қаржылық бұзушылықтар анықталды.
Осымен, Кәсіпорынның бас бухгалтері бастапқы және банк құжаттарының негізінде, 2018 жылдан бастап 2021 жылғы маусым аралығында Кәсіпорын басшысының электрондық цифрлық қолтаңбаларын пайдалана отырып, жүйелі түрде Кәсіпорын қызметкерлерінің карт-шотына нақты жұмыс істелмеген кезең үшін жалақыны негізсіз аударып отырғаны анықталды.
Аудиторлық іс-шараның материалдары бюджет қаражатын талан-таражға салу дерегі бойынша шаралар қабылдау үшін құқық қорғау органдарына жіберілді, қарастыру нәтижелері бойынша қылмыстық іс қозғалып, материалдар сотқа берілді.
Федоров аудандық сотының 14.02.2022 жылғы үкімімен Кәсіпорынның бас бухгалтері Қазақстан Республикасы Қылмыстық кодексінің 189 бабы 4) бөлігі 2) тармағымен қарастырылған қылмыстық құқық бұзушылықты (аса iрi мөлшерде жасалған сенiп тапсырылған бөтен мүлiктi иемденiп алу немесе талан-таражға салу) жасауда кінәлі деп танылып, оған мемлекеттік қызметте лауазымдарды атқару құқығынан өмір бойына айыра отырып, 7 (жеті) жыл мерзіміне бас бостандығынан айыруға жазаланады.
Қостанай облысы бойынша
ішкі мемлекеттік аудит департаменті