Қазақстан Республикасы Қаржы министрлігі Ішкі мемлекеттік аудит комитетінің Нұр-Сұлтан қаласы бойынша Ішкі мемлекеттік аудит департаментімен жеке және заңды тұлғалардың өтініштері негізінде «Астана Тазалық» ЖШС-де тікелей шарт жасасу және жүргізушілер мен механизаторларды ауысым алдындағы тәулік бойы медициналық тексеру қызметтерін көрсетушілердің шарттық міндеттемелерін орындауы арқылы бір көзден алу тәсілімен дизель отынын жеткізуге мемлекеттік сатып алу туралы шарт жасасудың негізділігі мәселелері бойынша аудиторлық іс-шара өткізілді.
«Мемлекеттік сатып алу туралы» Заңның 39-бабының 3-тармағының 50-тармақшасына сәйкес, ЖШС дизель отынын жеткізуге тікелей шарт жасасу арқылы бір көзден алу тәсілімен мемлекеттік сатып алу туралы шартты негізсіз жасасқанын аудиторлық іс-шарамен анықталды
Қазақстан Республикасы «Мемлекеттік аудит және қаржылық бақылау туралы» Заңының 5-бабының 2-тармағына сәйкес, Серіктестік басшысына қатысты Қазақстан Республикасы «Әкімшілік құқық бұзушылық туралы» Кодексінің 207-бабы 11-бөлігі бойынша әкімшілік іс қозғалды.
Бұдан басқа, Серіктестік Заңның 43-бабының 18-тармағын бұза отырып, жүргізушілер мен механизаторларды ауысым алдындағы тәулік бойы медициналық тексеру қызметтерін мемлекеттік сатып алу туралы шарттарға қосымша келісімдерді заңсыз жасасқан.
2020 жылғы 15 қазандағы № ҚР ДСМ-131/2020 «Міндетті медициналық қарап-тексеруге жататын адамдардың нысаналы топтарын, сондай-ақ оларды жүргізу қағидалары мен кезеңділігін, зертханалық және функционалдық зерттеулердің, медициналық қарсы көрсетілімдердің көлемін, зиянды және (немесе) қауіпті өндірістік факторлардың, кәсіптер мен жұмыстардың тізбесін бекіту туралы» 4-қосымшаны бұза отырып, оларды орындау кезінде жұмысқа түсу кезінде алдын ала міндетті медициналық тексерулер және мерзімді міндетті медициналық тексерулер және «Алдын ала міндетті медициналық қарап тексеруден өту» мемлекеттік қызмет көрсету қағидалары ауысым алдындағы медициналық қарап тексеру журналдарында шартты орындау шеңберінде медициналық қарап тексеруден өткен Серіктестік қызметкерлерінің қолдары жоқ.
Аудиторлық іс-шараның қорытындылары бойынша аудит объектісінің атына анықталған бұзушылықтарды жоюға және оларға жол берген тұлғалардың жауапкершілігін қарау туралы нұсқама жіберілді.