Ақтөбе облысы бойынша Ішкі мемлекеттік аудит департаменті басшысының орынбасары, Әдеп жөніндегі уәкіл Қ.Е.Жұмабаев Әйтеке би және Ырғыз аудандарында болып, мемлекеттік мекемелер мен кәсіпорындардың қызметкерлерімен кездесу өткізді.
Кездесу барысында ол Департамент қызметкерлерінің облыс аудандарына ісссапармен көп шығатынын, олардың әрбір іс-қимылы халықтың көз алдында болатынын айта отырып, іссапарға кетіп бара жатқан барлық қызметкерлердің іссапар кезінде сыбайлас жемқорлықтың алдын алу мақсатында әзірленген мемлекеттік қызметшінің іссапарлардағы мінез-құлқы туралы жадынамасымен таныстырылатынын, Әдеп жөніндегі уәкіл мен персоналды басқару қызметі қызметкерлерге өздерінің лауазымдық өкілеттіктерін теріс пайдалану фактілерін болдырмау және оның салдары туралы түсіндіру жұмыстарын жүргізетінін, қолдарын қойдыра отырып, нұсқаулықпен таныстыратынын жиналғандардың назарына жеткізді.
Сол себепті осы мәселе бойынша аталған аудандардың қызметкерлерін аудит жүргізу барысында қызметкерлерге ешқандай ұсыныс жасамауға, келеңсіз жағдайларды болдырмауға, олардың алдын алуға шақыра отырып, Қазақстан Республикасының Бюджеттік заңнамасы мен Сыбайлас жемқорлыққа қарсы іс-қимыл туралы заңнамасын, сондай-ақ мемлекеттік қызметшілердің әдеп кодексін қатаң сақтау туралы ескертті.