Қазақстан Республикасы Қаржы министрлігінің Ішкі мемлекеттік аудит комитеті 2021 жылғы бірінші тоқсанда аумақтық Ішкі мемлекеттік аудит департаменттерінің мемлекеттік аудит және қаржылық бақылау стандарттарын және ішкі мемлекеттік аудит және қаржылық бақылау жүргізу қағидаларын сақтауына бақылауды жүзеге асыру бойынша жұмыс жүргізді.
Сапаны бақылаумен қамтылғандардың 87-і - ІМАД аудиті материалдарының 14 - і (16,1%) стандарттар мен қағидаларға сәйкес келмейді деп танылса, 70 материал (80,5%) - ескертулермен сәйкес келеді және 3 материал стандарттар мен қағидаларға ескертулерсіз сәйкес келеді деп танылған.
Стандарттар мен қағидаларға сәйкес келмейтін материалдар санының (2020 жылғы 19,6% - дан 2021 жылғы 16,1% - ға) төмендеуіне қарамастан, жекелеген Департаменттер ішкі мемлекеттік аудиттің сапалы жүргізілуіне назар аударғаны жөн.
Осыған байланысты, аумақтық департаменттердің басшыларына аудиторлық іс-шаралардың сапалы жүргізілуін, аудиторлық есептердің жасалуын және бірінші деңгейдегі сапаны бақылаудың жүргізілуін қамтамасыз ету тапсырылды. Екінші деңгейдегі сапаны бақылауды толыққанды жүргізу мақсатында "қаржылық бақылау тәуекелдерді басқару жүйесі" кіші жүйесін уақтылы және сапалы толықтыруды қамтамасыз ету. Аудиторлық іс-шараларды жүргізген және оны жүзеге асыруға жауапты, сондай-ақ бірінші деңгейдегі сапаны бақылауды жүргізген барлық лауазымды тұлғалардың жауапкершілігін қарастыру. "Басқару" стандартын іске асыру жүктелген лауазымды адамдарға мемлекеттік аудит пен қаржылық бақылаудың барлық кезеңдерінде, оның нәтижелері бойынша аудиторлық есептерді дайындауда, сондай-ақ мемлекеттік аудит нәтижелерін іске асыру процесінде жүйелі бақылау мен қадағалауды жүзеге асыру ұсынылады.