Қостанай облысы Ұзынкөл ауданының тұрғын үй-коммуналдық шаруашылық, жолаушылар көлігі және автомобиль жолдары бөліміне жалпы сомасы 435 333,8 мың теңгеге қаржылық бұзушылықтар анықталды.
Оның ішінде: орташа күндік жалақының дұрыс есептелмеуі нәтижесінде демалыс төлемдерінің артық төленуі анықталды, іссапар шығыстары бойынша артық төлеу жүргізілді, негізгі құралдардың артығы анықталды. Мекеме бензинді есептен шығару бойынша шығыс нормаларын асырды, тауарлық-материалдық қорларды есептен шығару бойынша операциялар жүргізілген жоқ, шаруашылық тауарларын есептен шығару актілері, ЖЖМ есептен шығару ведомостары, мекеменің мұқтаждықтары үшін шаруашылық материалдарын беру ведомостары және автокөлікті жөндеуге арналған ақаулы актілер жасалмады, мекеме балансында жоқ активтерге нақты шығыстар жүргізді.
Сондай-ақ, жалпы сомасы 12284,0 мың теңгеге рәсімдік сипаттағы бұзушылықтар анықталды, оның ішінде: мекеме күрделі емес сипаттағы тұрғын үй қорының пәтерлерін ұстауға шығыстар жіберді, қызметкерлердің аванстық есептері мерзімдерін бұза отырып ұсынылды, бухгалтерлік құжаттаманы қабылдау-беру туралы бұйрық шығарылмаған және құжаттама акт бойынша берілмеді, материалдық жауапты тұлғамен толық материалдық жауапкершілік туралы жазбаша шарт жасалмады, мекеме Қағидаларда белгіленген мерзімде негізгі құралдар мен қорларды түгендеуді жүргізбеді. Сондай-ақ, аудитпен 33 100,0 мың теңге сомасына сатып алу қорытындысына әсер еткен Мемлекеттік сатып алу туралы заңнаманы сақтау бұзушылықтары анықталды.
Аудит қорытындысы бойынша бюджетке өтелуге және қалпына келтірілуге жататын 435 333,8 мың теңге сомасындағы бұзушылықтар толық көлемде өтелді және қалпына келтірілді.
Аудит қорытындысы бойынша 1 лауазымды тұлға толық көлемде төленген 69,4 мың теңге сомасына айыппұл түрінде әкімшілік жауапкершілікке тартылды, сондай-ақ 2 лауазымды тұлға тәртіптік жауапкершілікке тартылды.
Қостанай облысы бойынша
Ішкі мемлекеттік аудит департаменті