Ақтөбе облысы бойынша Ішкі мемлекеттік аудит Департаменті 2025 жылдан бастап мемлекеттік қаражаттың мақсатты әрі тиімді пайдаланылуын қамтамасыз ету мақсатында онлайн бюджеттік мониторинг жүйесін тұрақты негізде қолданды. Аталған цифрлық жүйе бюджеттік шығыстарды нақты уақыт режимінде бақылауға, тәуекелдерді ерте кезеңде анықтауға және қаржылық тәртіпті нығайтуға мүмкіндік берді.
Онлайн бюджеттік мониторинг – бюджеттік қаражаттың қозғалысын автоматтандырылған түрде талдайтын заманауи цифрлық платформа. Жүйе арқылы орталық мемлекеттік органдар мен жергілікті атқарушы органдардың қаржы игеруі бойынша деректер жинақталып, талданып, тәуекел белгілері анықталған жағдайда уәкілетті органдарға жедел хабарламалар жолданады. Бұл өз кезегінде қаржылық бұзушылықтардың алдын алуға және бюджет қаражатын тиімді басқаруға ықпал етеді.
Онлайн бюджеттік мониторинг жүйесі қазіргі таңда мемлекеттік қаржы саласында ашықтықты арттыруға, қаржылық тәртіпті нығайтуға және бюджет қаражатының тиімді пайдаланылуын қамтамасыз етуге бағытталған маңызды құрал ретінде өз тиімділігін дәлелдеді.
2026 жылдың басынан Департамент «Онлайн бюджеттік мониторинг» жүйесі арқылы білім, денсаулық сақтау, мәдениет және спорт салалары бойынша 33831 тәуекел қаралып, жалпы сомасы 13 667 847,1 мың теңгені құрайтын 526 хабарлама жолданды.
Қыркүйек айының онлай бюджеттік мониторинг тексеру нәтижесінде Ақтөбе облысының жастар саясаты мәселелері басқармасы» ММ-нің «Облыстық жастар ресурстық орталығы» коммуналдық мемлекеттік мекемесінде ағымдағы жылдың наурыз айында мекеме есепшісі өзіне 885,9 мың теңге және мекеме күзетшісіне 90,6 мың теңге, барлығы 976,5 мың теңге артық еңбекақы аударғаны анықталды.
Анықталған бұзушылықтар онлайн мониторинг жүйесінің тиімділігін көрсетіп бюджет қаражатының дұрыс жұмсалуын бақылауға, артық төлемдерді (нақты уақыт режимінде) дер кезінде анықтауға және мұндай жағдайлардың алдын алуға мүмкіндік бар екенін көрсетеді.