Ақтөбе облысы бойынша Ішкі мемлекеттік аудит Департаменті 2025 жылдан бастап мемлекеттік қаражаттың мақсатты әрі тиімді пайдаланылуын қамтамасыз ету мақсатында онлайн бюджеттік мониторинг жүйесін тұрақты негізде қолданды. Аталған цифрлық жүйе бюджеттік шығыстарды нақты уақыт режимінде бақылауға, тәуекелдерді ерте кезеңде анықтауға және қаржылық тәртіпті нығайтуға мүмкіндік берді.
Онлайн бюджеттік мониторинг – бюджеттік қаражаттың қозғалысын автоматтандырылған түрде талдайтын заманауи цифрлық платформа. Жүйе арқылы орталық мемлекеттік органдар мен жергілікті атқарушы органдардың қаржы игеруі бойынша деректер жинақталып, талданып, тәуекел белгілері анықталған жағдайда уәкілетті органдарға жедел хабарламалар жолданады. Бұл өз кезегінде қаржылық бұзушылықтардың алдын алуға және бюджет қаражатын тиімді басқаруға ықпал етеді.
Онлайн бюджеттік мониторинг жүйесі қазіргі таңда мемлекеттік қаржы саласында ашықтықты арттыруға, қаржылық тәртіпті нығайтуға және бюджет қаражатының тиімді пайдаланылуын қамтамасыз етуге бағытталған маңызды құрал ретінде өз тиімділігін дәлелдеді.
2026 жылдың басынан Департамент «Онлайн бюджеттік мониторинг» жүйесі арқылы білім, денсаулық сақтау, мәдениет және спорт салалары бойынша 32214 тәуекел қаралып, жалпы сомасы 12944957,4 мың теңгені құрайтын 463 хабарлама жолданды.
«Ақтөбе облысының дене шынықтыру, спорт және туризм басқармасы» мемлекеттік мекемесінің «Темір балалар-жасөспірімдер спорт мектебі» КММ-де 2026 жылдың мамыр айында жаттықтырушыға жыл сайынғы төленетін еңбек демалысының ақысы 235,3 мың тенгеге артық аударылған.
Тиісті шаралар қабылданып, жалпы сомасы 235,3 мың теңге мекеме шотына толығымен қайтарылды. Тексеру нәтижелері бойынша мектептің бас есепшісіне «ескерту» түріндегі тәртіптік жаза қолданылды.
«Ақтөбе облысының Қарғалы аудандық мәдениет, тілдерді дамыту, дене шынықтыру және спорт бөлімі» ММ-нің «Қарғалы аудандық орталықтандырылған кітапхана жүйесі» КММ-де 2026 жылдың қаңтар, ақпан, наурыз айларында кітапхана жұмысшысына ауылдық жерде жұмыс iстегені үшін лауазымдық айлықақысына 25% мөлшерінде 117,5 мың тенгеге үстемеақы негізсіз төленгені анықталды, артық аудырылған сома мекеме шотына қалпына келтірілді.
Тексеру нәтижелері бойынша мектептің бас есепшісіне «ескерту» түріндегі тәртіптік жаза қолданылды.