Қазақстан Республикасы Қаржы министрлігінің Ішкі мемлекеттік аудит комитетінің жйне оның аумақтық бөлімшелерінің 2026 жылға арналған мемлекеттік аудит объектілерінің тізбесі негізінде Ақмола облысы бойынша Ішкі мемлекеттік аудит департаменті, бюджет және өзге де заңнама нормалары талаптарының сақталуы мәселесі бойынша мемлекеттік аудит жүргізді.
Жүргізілген аудит бюджет қаражатын құқықтық пайдалануға қатысты мәселелерді қамтыды. Аудит барысында Қазақстан Республикасы Үкіметінің 2018 жылғы 11 мамырдағы №256 «Бюджет қаражаты есебінен қызметтік іссапарларға арналған шығыстарды өтеу қағидаларын бекіту туралы» қаулысы, оның ішінде шетелдік мемлекеттерге іссапарлар бойынша, сондай-ақ Қазақстан Республикасы Үкіметінің 2015 жылғы 31 желтоқсандағы №1193 «Азаматтық қызметшілерге, мемлекеттік бюджет қаражаты есебінен ұсталанатын ұйымдардың жұмыскерлеріне, қазыналық кәсіпорындардың жұмыскерлеріне еңбекақы төлеу жүйесі туралы» қаулысы талаптарының бұзылғаны анықталды.
Аудит объектісінде негізсіз іссапар шығындары, еңбекақы төлемдері, сондай-ақ мемлекеттік сатып алу саласындағы нормалардың бұзушылықтары анықталды.
Ақмола облысы бойынша Ішкі мемлекеттік аудит объектісінің атына нұсқама енгізіп, анықталған бұзушылықтар сомасын бюджетке өтеу (қайта аудару) бойынша тиісті шаралар қабылдауды міндеттеді.
Сонымен қатар, мемлекеттік сатып алу рәсімдерін бұзған лауазымды тұлғаларға қатысты әкімшілік құқық бұзушылық туралы он хаттама толтырылды.
Аудит объектісі нұсқаманы орындау бойынша шаралар қабылдап, анықталған бұзушылықтар сомасы 513,4 мың теңгені республикалық бюджетке қаражат аудару жолымен өтеді.
Осылайша, бюджет және өзге де заңнама нормалары талаптарының анықталған бұзушылқтары жойылып, аудит объектісінің лауазымды тұлғаларына қатысты әкімшілік ықпал ету шаралары қолданылды.