Қазақстан Республикасы Қаржы Министрлігі Ішкі мемлекеттік аудит комитетінің Павлодар облысы бойынша ішкі мемлекеттік аудит департаменті мемлекеттік сатып алу саласындағы заңнаманы сақтау шеңберінде тұрақты негізде камералдық бақылауды жүзеге асырады.
Ағымдағы жылдың басынан бері мемлекеттік сатып алу туралы заңнаманың сақталуына жүргізілген камералдық бақылау барысында баға ұсыныстарын сұрату тәсілімен сатып алуды жүзеге асырған ұйымдастырушылар тарапынан 39 бұзушылық анықталды, бұл бұзушылықтар «Рұқсаттар және хабарламалар туралы» Қазақстан Республикасының Заңында көзделген тиісті рұқсаттың болуына қатысты талаптарды белгілемеумен байланысты болды.
Мысалы, автокөлік құралдарын сақтандыру қызметтерін сатып алу кезінде «Павлодар облысының білім басқармасы» мемлекеттік мекемесі мен «Қазақстан Республикасы Ішкі істер министрлігінің Күзет қызметін бақылау комитетінің Павлодар облысы бойынша мамандандырылған күзет қызметі басқармасы» мемлекеттік мекемесі «Рұқсаттар және хабарламалар туралы» Қазақстан Республикасының Заңында көзделген тиісті лицензияның міндетті түрде болуы көзделмеген.
Мұндай талаптың болмауы тиісті рұқсаты жоқ өнім берушімен шарт жасасу қаупін тудырады, бұл заңнаманы бұзуға және белгіленген нормаларды бұза отырып қызметтер көрсетуге әкелуі мүмкін.
Мұндай бұзушылықтарды анықтау фактілері бойынша Департамент тиісті ден қою шараларын қабылдайды. Аталған шаралар алдын алу сипатында болады және бұзушылықтардың алдын алуға, сондай-ақ сатып алуды жүзеге асыру кезінде заңдылық пен ашықтық қағидаттарының сақталуын қамтамасыз етуге бағытталған.
Департамент олардың ашықтығы мен тиімділігін арттыру мақсатында мемлекеттік сатып алу рәсімдерін мониторингілеу және талдау бойынша жүйелі жұмысты жалғастыруда.