2026 жылдың 1 жартыжылдығында Астана қаласы бойынша Ішкі мемлекеттік аудит департаментімен мемлекеттік сатып алу саласындағы камералдық бақылау шеңберінде жалпы сомасы шамамен 2,4 трлн теңгені құрайтын 52 265 лот қамтылды.
Жүргізілген бақылау нәтижелері бойынша мемлекеттік сатып алуды ұйымдастырушылар мен тапсырыс берушілердің атына жалпы сомасы 37,7 млрд теңгеге 2 131 хабарлама жолданды.
Жалпы хабарламалардың ішінде бірінші бағыт бойынша – 490, екінші бағыт бойынша – 341, шартты тікелей жасасу арқылы бір көзден алу тәсілімен жасалған шарттар бойынша – 620, баға ұсыныстарын сұрату тәсілімен жүргізілген сатып алулар бойынша – 580 және қосымша келісімдер бойынша – 100 хабарлама жолданды.
Камералдық бақылау нәтижелерін талдау көрсеткендей, ең жиі анықталатын бұзушылықтар конкурстық құжаттамада заңнамада көзделмеген талаптарды белгілеуге, бір көзден сатып алу тәсілін негізсіз қолдануға, сондай-ақ тауарларды жеткізу, жұмыстарды орындау және көрсетілетін қызметтерді ұсыну мерзімдерін бұзуға байланысты.
Астана қаласы бойынша Ішкі мемлекеттік аудит департаменті мемлекеттік сатып алу туралы заңнаманың бұзылуының алдын алуға және сатып алу рәсімдерінің ашықтығын қамтамасыз етуге бағытталған жүйелі камералдық бақылауды жалғастыруда.