Ағымдағы жылдың екінші тоқсанының қорытындысы бойынша Павлодар облысы бойынша Ішкі мемлекеттік аудит департаменті (бұдан әрі – Департамент) 2026 жылдың екінші жартыжылдығындағы жұмыс қорытындыларын шығарды. Аудиторлық іс-шаралардың нәтижесінде анықталған заңнама бұзушылықтарының жалпы сомасы 60,8 млрд теңгені құрады. Оның ішінде қаржылық бұзушылықтар – 5,5 млрд теңге, рәсімдік сипаттағы бұзушылықтар – 55,3 млрд теңге.
Қабылданған шаралардың нәтижесінде бюджетке 101,4 млн теңге өтеліп, 5,4 млрд теңге қалпына келтірілді.
Жүргізілген аудиторлық іс-шаралардың қорытындысы бойынша 38 лауазымды тұлға тәртіптік жауапкершілікке тартылды.
Анықталған бұзушылықтарды және олардың орын алуына ықпал еткен себептерді жою мақсатында Департамент тарапынан 28 нұсқама берілді. Есепті күнге дейін олардың 24-і бойынша орындалу мерзімі келіп, барлығы толық көлемде орындалды.
Департамент қызметінің басым бағыттарының бірі – электрондық мемлекеттік аудитті дамыту болып қала береді. Цифрлық құралдардың жетілдірілуіне қарай электрондық форматта жүргізілетін аудиторлық іс-шаралардың көлемі жүйелі түрде кеңейтілуде. Мұндай тәсіл бақылау іс-шараларының жеделдігін арттыруға, аудит нәтижелерінің объективтілігін қамтамасыз етуге және мемлекеттік аудиттің профилактикалық бағытын күшейтуге мүмкіндік береді.