ҚР ҚМ ІМАК Павлодар облысы бойынша ішкі мемлекеттік аудит департаменті мемлекеттік сатып алу саласындағы заңнаманы сақтау шеңберінде тұрақты негізде камералдық бақылауды жүзеге асырады.
Мемлекеттік сатып алу саласындағы заңнаманың сақталуына жүргізілген бақылау барысында сатып алуды баға ұсыныстарын сұрату тәсілімен өткізетін сатып алуды ұйымдастырушылар тарапынан бұзушылықтар анықталды.
Атап айтқанда, мысалы, «Торайғыров университеті» КеАҚ ұлттық режимнен алып қоюлар шеңберінде «желілік коммутаторды» сатып алу туралы хабарландыру жариялаған, яғни бұл сатып алу отандық тауар өндірушілер арасында жргізілді. Бұл ретте тапсырыс беруші хабарландыруда тауарды жеткізу мерзімін 16 күнтізбелік күн деп белгілеген.
Алайда аталған талап Мемлекеттік сатып алу заңының жүзеге асыру қағидаларының нормаларына сәйкес келмейді, атап айтқанда, егер жеткізуші қазақстандық тауар өндірушілер тізілімінде болса, шарт бойынша тауарларды жеткізудің ең төменгі мерзімі кемінде 60 (алпыс) күнтізбелік күнді құрауы тиіс.
Осындай бұзушылықтарды анықтау фактілері бойынша Департамент тиісті ден қою шараларын қабылдайды, бұзушылықтарды жою туралы хабарлама жіберу арқылы. Департамент жіберген хабарламалар мемлекеттік сатып алулар жою жолымен орындалады.
Аталған шаралар алдын алу сипатында болады және бұзушылықтардың алдын алуға, сондай-ақ сатып алуды жүзеге асыру кезінде заңдылық пен ашықтық қағидаттарының сақталуын қамтамасыз етуге бағытталған.
Департамент олардың ашықтығы мен тиімділігін арттыру мақсатында мемлекеттік сатып алу рәсімдерін мониторингілеу және талдау бойынша жүйелі жұмысты жалғастырады.