Түркістан облысы бойынша Ішкі мемлекеттік аудит департаменті тарапынан Түркістан облысының цифрландыру, мемлекеттік қызметтер көрсету және архивтер басқармасының «Қазығұрт аудандық мемлекеттік архиві» коммуналдық мемлекеттік мекемесінде электрондық мониторинг нәтижелері бойынша аудиторлық іс-шара жүргізілді.
Аудит барысында ғимарат сатып алу кезінде техникалық ерекшелікте көрсетілген тауарларды сәйкестендіруге байланысты жалпы сомасы 180 000,0 мың теңгені құрайтын қаржылық бұзушылық анықталды. Аталған қаражатты қалпына келтіру бойынша тиісті шаралар қабылдау ұсынылды.
Тексеру нәтижесінде мемлекеттік мекеме тарапынан тауарлардың жеткізілуін растайтын құжаттардың дұрыстығын қамтамасыз ету және төлем құжаттарының негізділігін растау талаптарының толық сақталмағаны анықталды.
Аудиторлық іс-шара қорытындысы бойынша анықталған бұзушылықтарды жою және алдағы уақытта мұндай жағдайларға жол бермеу мақсатында тиісті ұсынымдар берілді.