Астана қаласы бойынша Ішкі мемлекеттік аудит департаменті 2025 жылға арналған мемлекеттік аудит объектілерінің тізбесіне сәйкес Астана қаласының Тілдерді дамыту және архив ісі басқармасы мен оған қарасты «Руханият» және «Астана қаласының мемлекеттік архиві» мекемелерінің қаржылық есептілігіне аудит жүргізді.
Аудит іс-шарасының мақсаты – қаржылық есептіліктің дұрыстығын растау.
Аудит нәтижелері бойынша жалпы сомасы 22,2 млн теңгені құрайтын бұзушылықтар анықталды, оның ішінде:
Аудит барысында қызметкерлердің бірінің еңбек өтілі негізсіз жоғары көрсетілуіне байланысты оған артық жалақы есептеліп, төленгені анықталды. Сонымен қатар, еңбек демалысына төленетін төлемдерді есептеу кезінде ынталандыру үстемақыларына негізсіз жоғарылатылған коэффициент қолданылған, бұл есептелген төлемдердің артық көрсетілуіне әкелген. Сондай-ақ салықтар мен әлеуметтік аударымдар бойынша міндетті төлемдердің қайтарылуын бухгалтерлік есепте уақтылы көрсетпеу фактілері анықталды.
Аталған бұзушылықтармен қатар бухгалтерлік есеп жүргізудегі кемшіліктер анықталды. Атап айтқанда, мүлік объектісінің бухгалтерлік есеп шоттарында дұрыс көрсетілмеуі және оған түгендеу нөмірінің берілмеуі орын алған.
Сонымен бірге бюджет қаражатын қайта бөлу тәртібінің бұзылғаны анықталды. Қайта бөлінген қаражат көлемі заңнамада белгіленген үнемделген бюджет қаражатының жалпы көлемінің 30 % мөлшеріндегі шектен асып кеткен.
Аудит барысында шығыстарды дұрыс жіктемеу фактілері, сондай-ақ материалдық емес активтерді есепке алу кезінде бухгалтерлік есепті тиісінше жүргізбеуге және оларды есептен шығару тәртібін сақтамауға байланысты бұзушылықтар анықталды.
Аудит қорытындысы бойынша Басқармаға анықталған бұзушылықтарды жою және оларға жол берген лауазымды тұлғалардың жауапкершілігін қарау туралы нұсқама жолданды.
Бүгінгі күні нұсқама толық көлемде орындалды. Атап айтқанда, жергілікті бюджет кірісіне 132,1 мың теңге өтеліп, бухгалтерлік есепте көрсету арқылы 211,9 мың теңге қалпына келтірілді.
Жіберілген бұзушылықтар үшін екі жауапты тұлғаға тәртіптік жаза ретінде ескерту түріндегі тәртіптік шара қолданылды.