Мемлекеттік аудит барысында «Екібастұз қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» мемлекеттік мекемесінде «Исабек Ишан кесенесіне кіреберіс автомобиль жолын реконструкциялау» жобасын іске асыру кезінде бұзушылықтар анықталды.
Тексеру нәтижесінде өнім беруші тарапынан бұрын орындалған және төленген жұмыстар бойынша жалпы сомасы 135 000,0 мың теңгеге негізсіз өзгерістер енгізілгені анықталды.
Анықталғандай, түзетулер жұмыстар орындалып, төлем жүргізілгеннен кейін енгізілген, бұл №304 бұйрықпен бекітілген құрылыс жобаларын бекіту және жобалық (жобалау-сметалық) құжаттамаға өзгерістер енгізу қағидаларының 19-тармағы талаптарына қайшы келеді.
Мұндай әрекеттер бұрын расталған орындалған жұмыс көлемдерін негізсіз қайта қарау тәуекелдерін туындатып, бюджет қаражатының жұмсалу ашықтығына теріс әсер етуі мүмкін.
Мемлекеттік аудит нәтижелері бойынша анықталған бұзушылықтарға қолданыстағы заңнама шеңберінде тиісті құқықтық баға берілді.