Түркістан облысы бойынша Ішкі мемлекеттік аудит департаменті 2026 жылғы 13 наурызда «Жетісай ауданының құрылыс, сәулет және қала құрылысы бөлімі» мемлекеттік мекемесіне аудиторлық іс-шара жүргізді.
Аудит нәтижесінде жалпы сомасы 991 932,8 мың теңге көлемінде қаржылық бұзушылықтар анықталды. Атап айтқанда, мемлекеттік сатып алу туралы келісімшарттар шеңберінде техникалық ерекшеліктерде көрсетілген тауарлардың сәйкестігін тексеру барысында 980 656,0 мың теңге көлеміндегі бұзушылықтар тіркелді. Сонымен қатар, құрылыс саласындағы жұмыстарды орындау туралы келісімшарт бойынша 11 276,8 мың теңге сомасында қаржылық ауытқулар анықталды.
Аудиторлық іс-шара қорытындысы бойынша анықталған бұзушылықтарды қалпына келтіру мақсатында аудит объектісіне тиісті нұсқама жолданды.
Түркістан облысы бойынша Ішкі мемлекеттік аудит департаменті бюджет қаражатының заңдылығы, тиімділігі және мақсатты пайдаланылуын қамтамасыз ету бағытындағы бақылау жұмыстарын жүйелі түрде жалғастыруда.