Жетісу облысы бойынша Ішкі мемлекеттік аудит департаменті «Талдықорған қаласының тұрғын үй-коммуналдық шаруашылығы бөлімі» ММ-де мемлекеттік аудит жүргізді.
Аудит Қазақстан Республикасы Қаржылық мониторинг агенттігінің Жетісу облысы бойынша Экономикалық тергеп-тексеру департаменті арқылы келіп түскен өтініш негізінде жүргізіліп, «Талдықорған қаласының арық желілерін реконструкциялау» жобасы шеңберінде шарттық міндеттемелерді орындау кезінде заңнама талаптарының сақталуын қамтыды.
Аудит нәтижелері бойынша 25 056,2 мың теңге сомасында қаржылық бұзушылықтар, сондай-ақ 73 616,6 мың теңге сомасында айыппұл есептеуге байланысты рәсімдік бұзушылықтар анықталды.
Бюджет заңнамасының талаптарын бұза отырып, мердігер ұйымға орындалған жұмыстар үшін негізсіз төлем жүргізілгені анықталды.
Аудит қорытындысы бойынша объектіге анықталған бұзушылықтардың себептерін жою, тиісті шаралар қабылдау және заңнама талаптарының сақталуын қамтамасыз ету жөнінде ұсынымдар берілді.
Аудит материалдары құқық қорғау органдарына құқықтық баға беру үшін жолданды.
Қазіргі уақытта анықталған бұзушылықтар сомасы толық көлемде бюджет кірісіне өтелді. Лауазымды тұлғалар тәртіптік жауапкершілікке тартылды.