Жетісу облысы бойынша Ішкі мемлекеттік аудит департаменті (бұдан әрі – Департамент) мемлекеттік қаражаттың нысаналы және тиімді пайдаланылуын қамтамасыз ету мақсатында бюджет атқарылуын цифрлық мониторингтеуді тұрақты негізде жүзеге асырады.
Аталған тетік шеңберінде Департамент білім беру, денсаулық сақтау, мәдениет және спорт салалары қызметкерлерінің төлемдеріне талдау жүргізді. Талдау нәтижелері бойынша тәуекел деңгейі жоғары операциялар анықталып, 156 896,9 млн теңге сомасына 447 мониторинг объектісіне хабарламалар жолданды, оның ішінде:
білім беру саласында – 171 объектіге 66 927,6 млн теңге сомасына;
мәдениет және спорт саласында – 173 объектіге 64 905,7 млн теңге сомасына;
денсаулық сақтау саласында – 103 объектіге 25 063,6 млн теңге сомасына.
Бюджет қаражатын цифрлық мониторингтеу модулін қолдану оның бюджет үдерістерінің ашықтығын қамтамасыз ету, мемлекеттік қаражаттың пайдаланылуына жедел бақылау жүргізу, сондай-ақ қаржылық бұзушылықтар тәуекелдерін ерте кезеңде анықтау тұрғысынан тиімділігін растады.
Департамент превентивтік бақылау шараларын күшейту және бюджеттік тәуекелдерді басқару жүйесін одан әрі жетілдіру бағытындағы жұмыстарды жалғастыруда.