Қазақстан Республикасы Қаржы министрлігі Ішкі мемлекеттік аудит комитетінің Жамбыл облысы бойынша ішкі мемлекеттік аудит департаменті (әрі қарай - Департамент) тәуекелдерді басқару және қаржылық бақылау жүйесін пайдалану арқылы онлайн бюджеттік мониторинг модулін жүргізуде.
Онлайн бюджеттік мониторинг – Мемлекеттік қаражатты тиімді және ашық пайдалану мақсатында Қазақстан Республикасы қаржы министрлігінің Ішкі мемлекеттік аудит комитетінің тәуекелдерді басқару жүйесіне негізделген жаңа ақпараттық жүйесі.
Аталған жүйе бюджеттік қаражаттың жұмсалуын онлайн режимінде бақылауға мүмкіндік береді.
Осыған орай, 2026 жылдың Ақпан айы бойынша Жамбыл облысы әкімдігінің Білім басқармасына қарасты мекемелердің қызметкерлерінің жалақысына қатысты 120 - тәуекелді төлемдер бойынша жалпы сомасы 24 356,4 мың теңгеге 24 -хабарлама жіберілді. Оның ішінде, 28 - тәуекел төлем расталып, жалпы сомасы 4 421,8 мың теңге бюджетке өтелді. Ал, 19 934,6 мың теңге сомадағы 92-тәуекел төлемдер бойынша дәлел құжаттары ұсынылды.
Cонымен қатар, Департамент тарапынан бұл бағыттағы жұмыстар одан әрі де жалғасатын болады.