Шығыс Қазақстан облысы бойынша Ішкі мемлекеттік аудит департаменті тәуекелді басқару жүйесінің тәуекелді төлемдерін талдау нәтижелері бойынша "Алтай ауданының сәулет, қала құрылысы және құрылыс бөлімі" ММ және "Өскемен қаласының құрылыс бөлімі" ММ-де аудиторлық іс-шаралар жүргізді.
Аудит барысында 2025 жылдың желтоқсан айында жүргізілген төлемдердің негізділігі мәселесі қамтылды.
Жүргізілген аудиторлық іс-шаралардың нәтижесінде 81,5 млн.теңге сомасына қаржылық бұзушылықтар, сондай-ақ 410,1 млн.теңге сомасына рәсімдік сипаттағы бұзушылықтар анықталды.
Сонымен қатар, аудит барысында жұмыстар көлемінің уақтылы орындалмауына байланысты 3,1 млн.теңге сомасына тұрақсыздық айыбын (өсімпұл) өндіру бойынша шаралар қабылданды. Анықталған фактілер бойынша 2 әкімшілік хаттама жасалды.
Аудиторлық іс-шаралар нәтижелері бойынша аудит объектілеріне анықталған бұзушылықтарды жою және оларға жол берген тұлғалардың жауапкершілігін қарау туралы нұсқама жолданды.