Астана қаласы бойынша Ішкі мемлекеттік аудит департаменті 2025 жылға арналған мемлекеттік аудит объектілері тізімі аясында №11 «Гауһар» балабақшасында аудиторлық іс-шара өткізді.
Тексеру нәтижесінде бюджеттік және басқа да заңнамалық бұзушылықтар шамамен 32,4 млн теңге көлемінде анықталды, оның ішінде:
Аудит барысында Кәсіпорынның даму жоспарын нақтылау және түзету кезінде кемшіліктер анықталды, бұл кейбір шығындық баптар бойынша артық жұмсауға әкелді, сондай-ақ қызметкерлерге қосымша төлемдердің заңсыз есептелген фактілері тіркелді.
Сондай-ақ бухгалтерлік есеп жүргізудегі бұзушылықтар анықталды: кейбір активтердің негізгі құралдар құрамында есепке алынбауы және ұзақ мерзімді активтердің қорлар құрамында көрсетілуі, бұл қаржылық есептіліктің бұрмалануына себеп болды.
Мемлекеттік сатып алу саласында әлеуетті жеткізушілердің конкурс талаптарына сәйкес келмейтін өтінімдері негізсіз қабылдануы, лоттарға бөлінбеуі, техникалық сипаттамалардың ұлттық және халықаралық стандарттарды көрсетпей орналастырылуы, фирмалық атауларды көрсету, бір көзден жүзеге асырылған мемлекеттік сатып алу туралы есептердің уақытында жарияланбауы сияқты бұзушылықтар анықталды.
Аудит барысында қаржылық бұзушылықтар 2 млн теңге, рәсімдік бұзушылықтар 2,4 млн теңге көлемінде бухгалтерлік есепке енгізу және қалпына келтіру арқылы жойылды.
Бұзушылықтарға байланысты үш лауазымды тұлға әкімшілік жауапкершілікке тартылды.
Аудит нәтижесі бойынша балабақшаға анықталған бұзушылықтарды жою және бұзушылыққа жол берген лауазымды тұлғалардың жауапкершілігін қарау туралы нұсқама жолданды.