Қостанай облысы бойынша ішкі мемлекеттік аудит департаментіне (бұдан әрі-Департамент) 2025 жылы мемлекеттік сатып алу саласында 634 өтініш келіп түсті, олар бойынша 174 қанағаттандырылды, 335 қанағаттандырудан бас тартылды және 125 түсіндірілді.
Сондай-ақ, Департамент бірінші және екінші бағыттар бойынша баға ұсыныстарын сұрату тәсілімен, бір көзден алынған шартты және қосымша келісім жасасу тәсілімен мемлекеттік сатып алуға камералды бақылау жүргізді.
2025 жылы камералдық бақылаумен жалпы сомасы 543,0 млрд. теңгеге 34 143 лот қамтылды және 2096 лот бойынша жалпы сомасы 14 млрд. теңгеге мемлекеттік сатып алу туралы заңнаманы бұзушылықтар белгіленді. Анықталған бұзушылықтар толық көлемде жойылды.
Хабарламаны уақтылы орындамағаны үшін 33 лауазымды тұлға әкімшілік жауапкершілікке тартылды.