Жетісу облысы бойынша ішкі мемлекеттік аудит департаменті бюджет қаражатының мақсатты жұмсалуын бақылау мақсатында тұрақты негізде «Бюджетті онлайн бақылауды» жүзеге асырып келеді.
Бюджетті онлайн бақылау енгізу кезеңінде Департамент білім беру, денсаулық сақтау, мәдениет және спорт салалары қызметкерлерінің төлемдері бойынша тәуекел деңгейі жоғары операцияларды анықтап, жалпы сомасы 67 968,5 мың теңгеге 105 мониторинг объектісіне хабарламалар жолдады. Оның ішінде:
білім беру саласында 66 объектіге 43 493,9 мың теңге сомасына хабарлама жіберілді.
мәдениет және спорт бойынша 26 объектіге 18 663,0 мың теңге сомасына хабарлама жіберілді.
денсаулық сақтау бойынша 13 объектіге 5 811,6 мың теңге сомасына хабарлама жіберілді.
«Бюджетті онлайн бақылау» модулі бюджет қаражатының пайдаланылуын нақты уақыт режимінде жедел бақылау және қаржылық бұзушылықтар тәуекелдерін ерте кезеңде анықтау құралы ретінде өз тиімділігін көрсетті.
Жетісу облысы бойынша ішкі мемлекеттік аудит департаменті бюджеттік тәуекелдерді басқару жүйесін жетілдіру және алдын алуға бағытталған бақылауды күшейту бағытында жұмысты жалғастырып жатыр.