Қызылорда облысы бойынша ішкі мемлекеттік аудит департаменті қолданыстағы заңнамада көзделген әкімшілік іс жүргізуді қозғау бойынша жұмыс жүргізуде. 2025 жылдың 12 айында мемлекеттік сатып алу саласындағы құқық бұзушылықтар бойынша жалпы сомасы 35,4 млн теңгеге 292 әкімшілік хаттама жасалды. Оның ішінде бюджетке 35,0 млн теңге өндірілді. Бұл 98,8%-ды құрайды.
Мемлекеттік сатып алу саласындағы жиі кездесетін құқық бұзушылықтардың бірі заңда көзделмеген негіздер бойынша Мемлекеттік сатып алу рәсімін қолданбай шарттар жасасу, не өнім берушілерді Мемлекеттік сатып алуға жосықсыз қатысушылар деп тану туралы сотқа талап-арызбен уақтылы жүгінбеу анықталды.
Қазіргі уақытта Департамент Қазақстан Республикасының «Әкімшілік құқық бұзушылық туралы» Кодексінің 810 және 811-баптарына сәйкес әкімшілік құқық бұзушылық туралы істер бойынша қысқартылған іс жүргізуді толық көлемде жүзеге асырады. Бұл әкімшілік іс жүргізу қозғалған адамға санкцияда көрсетілген соманың елу пайызы мөлшерінде айыппұл сомасын жеті тәулік ішінде төлеуге мүмкіндік береді.