2025 жылы Департамент тарапынан 9 млрд 450 млн теңге көлеміндегі бюджет қаражатын қамти отырып, 29 аудиторлық іс-шара өткізілді. Нәтижесінде бюджет және өзге де заңнама талаптарының 3 млрд 300 млн теңге сомасына бұзушылықтары анықталды. Оның ішінде қаржылық бұзушылықтар – 2 млрд 294 млн теңге, рәсімдік сипаттағы бұзушылықтар – 1 млрд 006 млн теңгені құрады.
Мемлекеттік сатып алу саласында 133,6 млн теңге сомасына бұзушылықтар анықталып, оның 97,4 млн теңгесі өткізілген сатып алу рәсімдерінің қорытындыларына әсер еткен.
Қабылданған шаралардың нәтижесінде бюджетке 2 млрд 185 млн теңге қалпына келтіріліп, өтелді. Берілген 29 нұсқама бойынша 26 лауазымды тұлға тәртіптік жауапкершілікке тартылды. Сонымен қатар 125 әкімшілік хаттама толтырылып, 10 млн теңгеден астам сомаға айыппұл салынды, олар толық көлемде өндірілді.
Құқық қорғау органдарына 34,3 млн теңге сомасына 4 аудит материалы жолданды. Оның екеуі бойынша қылмыстық істер қозғалып, бір материал тергеу аяқталғаннан кейін сотқа жолданды.
Жыл қорытындылары мемлекеттік аудиттің Ұлытау облысында бюджет қаражатын пайдалану ашықтығы мен қаржылық тәртіпті қамтамасыз етудегі маңызды құрал болып қала беретінін көрсетті.